Բնագիտություն և բնապահպանություն
(Ծրագիր)

Ծրագիրը նախատեսված է մանկավարժական քոլեջի առաջին և երկրորդ կուրսերում (տարեկան  68  ժամ) դասավանդելու համար:

Առաջին կուրս

Ծրագրի նպատակն է ապագա մանկավարժներին տալ գիտելիքներ և զարգացնել հմտություններ բնագիտությունից, բնապահպանությունից՝ զարգացնելով նրանց դիտարկելու ունակությունը,  տրամաբանական մտածողությունը, գիտական լեզվամտածողությունը, հետազոտելու ունակությունը, եզրակացություն անելու կարողությունը, փոխանցելով նաև կրտսեր դպրոցում առարկան դասավանդելու մեթոդիկան:

Ծրագրի հիմքում ընկած է դիտում-փորձ-հետազոտություն-եզրակացություն մոտեցումը, որն իրականացվում է դասախոսությունների, քննարկումների, փորձերի կատարման և եզրակացություններ կատարելու, գիտական գրականությունից նյութեր ընտրելու, ինտերնետից նոր ինֆորմացիա ստանալու և մշակելու, համապատասխան թեմայով ռեֆերատներ գրելու, տեսաֆիլմերի դիտումների, ուսումնական ճամփորդությունների միջոցով:

Սովորողները տիրապետելով ՏՀՏ-ներին դասապրոցեսում և գնահատման ժամանակ կիրառմում են և° համակարգիչը, և° թվային ֆոտոխցիկը, և° պրոյեկտորը:

Ծրագիրը ընդգրկում է հետևյալ թեմաները, որոնք  ներդաշնակ են դպրոցական ծրագրի հետ` ավելի խորացված և լրացված նյութերով.

Ծրագիրն իրագործվում է հետևյալ ձևով`

Մեծ ուշադրություն է դարձվում ուսանողների կողմից առաջադրված հարցերի քննարկմանը:
Կարևոր է բնապահպանական գիտելիքներով, երկրի պահպանությամբ մտահոգված նոր մտածելակերպով մարդու կայացման խնդիրը: Երկիրը պահպանելու խնդիրը պետք է լինի ապրելակերպ, մտածելակերպ: Անհրաժեշտություն Է ծանոթանալ  այլ երկրներում բնապահպանական խնդիրների լուծման եղանակների հետ:                                       

Էկոլոգիական դաստիարակությունը և կրթությունը, գիտելիքների ստացումը, բնապահպանական մտածելակերպի, աշխարհայացքի ձևավորումը սկսվում է դպրոցից: Հետևաբար ապագա մանկավարժը պետք է ունենա որոշակի որակներ:
             
Ուսանողը պետք է իմանա բնական պաշարների, դրանց անխնա օգտագործման վնասի մասին: Գաղափար ունենա բնական միջավայրի աղտոտման աղբյուրների, քիմիական արտադրությունների վնասակար ազդեցությունների մասին:           

Երկրորդ կուրս
1. Բնապահպանություն առարկան և խնդիրները
2. Էկոլոգիական մտածելակերպի, աշխարհայացքի և գիտելիքների ձևավորում
3. Կենսաբազմազանության հիմնախնդիրը
4. Կենսական միջավայր - ջերմություն, լույս,  խոնավություն, օդ
5. Մթնոլորտի աղտոտում, ջերմոցային էֆեկտ, օզոնային շերտի քայքայում և կլիմայի փոփոխություն
6. Մարդու դերը կենսոլորտում
7. Բնական ռեսուրսներ.

8. Մարդու ապրելավայրն ու ապրելակերպը
9. Մեր շրջապատի (տան, դպրոցի, բակի) ներկա վիճակը
10. ՀՀ կարմիր գիրքը, հատուկ պահպանման գոտիներ
11.  ՀՀ բնության հուշարձանները: Հանգստի գոտիներ
12. Էներգախնայողություն
13. Էներգախնայողությունը և շրջակա միջավայրի պահպանությունը
14. Էներգիայի աղբյուրները
15. Էներգասպառման հետևանքները
16. Էներգետիկ ճգնաժամ
17. Էներգետիկ աղբյուրները
18. Էներգիայի սպառում և երկրորդային մշակում, թափոնների օգտագործումը
19. Արեգակը՝ որպես էներգիայի հիմնական աղբյուր

Դասի կազմակերպումը
Նախատեսվում է դասընթացը կազմակերպել ակտիվ ուսուցման մեթոդներով: Հիմնական նյութը ուսանողների կողմից յուրացվում է դասի ընթացքում:
Դասի կազմակերպման հիմնական ձևերը տեսական և գործնական պարապմունքներն են:
Ուսանողները որպես առաջադրանքներ կատարում են հետազոտական աշխատանքներ և ուսումնասիրություններ տարբեր թեմաններով:
Ուսուցման ձևերից են նաև արտադասարանական աշխատանքները, միջոցառումները, էքսկուրսիանները և արշավների կազմակերպումը դեպի բնություն, հիդրոէլեկտրոկայաններ, ջերմակայաններ,  տարբեր արտադրական ձեռնարկություններ:
Ցուցահանդեսների և ակցիաների մասնակցություն և կազմակերպում:

Գնահատման ձևերը
Հաշվի առնելով դասընթացի յուրահատկությունը՝ առաջարկվում է ոչ բալային գնահատում:
Դասընթացի վերջնական գնահատումը կատարվում է որևէ առաջադրանքի ներկայացմամբ և թեմայի պաշտպանությանբ:

Գրականություն