Գիտահանրամատչելի TV ալիք

Համացանցը, որպես տեղեկատվական դաշտ,  ինչ խոսք, անսահմանափակ է ու անեզր: Ու շատ հաճախ տեղեկատվություն հայթայթելու համար ստիպված ես լինում բացել ու փակել տասնյակ ինտերնետային էջեր: Որպեսզի կարելի լինի այս ամենը համակարգել, ստեղծվում են համապատասխան կայքեր և ինտերնետ TV-ներ:

Smart Videos տեսահոլովակները հայտնի են ողջ աշխարհում: Դրանք հետաքրքրաշարժ տեսանյութեր են, որոնք պատմում են գիտական նորագույն հայտագործությունների, բնագիտական փորձերի մասին:

Տարիներ առաջ ռուսները սկսեցին տարբեր լեզուներից թարգմանել և մեկտեղել նման տեսանյութերը` ստեղծելով ռուսական http://www.smartvideos.ru վեբ-կայքը: Այս կայքում թողարկված բոլոր տեսանյութերն ունեն մեկ ընդհանուր առաջին էջ` հետևյալ գրությամբ. SmartVideos.ru – Умное Видео. Самые интересные и познавательные видео со всех уголков света.Самые интересные и познавательные видео о науке, образовании и технологиях, переведенные на русский язык.

Ռուսական նմանատիպ կայքերը շատ են, առավել հաջողվածներից է համարվում մեկ այլ ինտերնետային կայք` obOFFsem.ru – Сайт обо всем, что интересно!

Երկար- բարակ առաջաբանից  հետո, կարծում եմ` արդեն գլխի ընկաք, որ մենք նման մի գործ ենք ձեռնարկել. ուզում ենք ունենալ գիտահանրամատչելի ինտերնետ TV ալիք: Առայժմ պայմանական անունով այն կոչում ենք գիտահանրամատչելի TV ալիք` SmartTV.mskh

Սովորողները օտարալեզու տարբեր կայքերից փնտրում, գտնում են smart, ասել է թե` խելացի տեսանյութեր ու թարգմանում հայերեն: Դրանք հիմնականում հետաքրքիր հայտնագործությունների, գյուտերի մասին պատմող տեսանյութեր են` քայլող տնից ու թռչող հեծանիվից մինչև կենսաբանական աչք ու Nasa-ի նորագույն բացահայտումներ:

Նախ տեսանյութերը թարգմանվում են, ապա խմբագրվում ու ձայնագրվում:

Ստորև ներկայացնում եմ նախագծի ծրագիրը:

Նախագծի նպատակը` ստեղծել գիտահանրամատչելի իտերնետ TV ալիք։

Նախագծի խնդիրները

• օտարալեզու տեղեկատվական աղբյուրներից օգտվելու հմտությունների զարգացում
• այլ երկրների ու ժողովուրդների քաղաքակրթությանն ու մշակույթին հաղորդակցվելու, աշխարհում ստեղծված նորագույն հայտնագործություններին ծանոթանալու հնարավորություն
• տեղեկատվության թարգմանություն կամ հայերեն փոխադրություն` մատչելի դարձնելով հանրությանը
• գիտակցել ժամանակակից աշխարհում գիտելիքների, արդիական տեխնոլոգիաների, կրթության մեծագույն արժեքներ լինելու փաստը` հընթացս ձեռք բերելով աշխատանքային հմտություններ և մասնագիտական վարպետություն:

Ուսումնական միջավայր

• Ինտերակտիվ  գրատախտակ, անլար ինտերնետ, նեթբուք-նոթբուք
• Համացանցում ուսուցման միջավայրը
• Օտարալեզու կայքեր` http://oboffsem.ru/
• Ինչպես նաև` mskh.am, բլոգներ, SkyDrive-, Live@Edu համակարգ, էլեկտրոնային օրացույց

Դասավանդողին և սովորողին անհրաժեշտեն գործիքներ ու նյութեր

• էլեկտրոնային գրատախտակ
• թվային ձայնագրիչ, ֆոտոխցիկ(տեսախցիկ)
• անհատական նոթբուք-նեթբուք
• ուսումնական գրականություն. օգտագործվում են բացառապես էլեկտրոնային ռեսուրսներ`
• http://oboffsem.ru/, smart videos, smartvideos.ru

Աշխատանք դասարանում և տանը

Սովորողները դասարանում  ծանոթանում են թարգմանության հիմնական կանոններին ու ստանում որոշակի փորձառություն: Այնուհետև որպես տնային աշխատանք` տրվում են ինքնուրույն անհատական թարգմանություններ: Թարգմանության համար ուսուցչի տված տեքստը կարող է փոխարինվել սովորողի ընտրած այլ նյութով:

Ստուգումը կատարվում է  առցանց:

Թարգմանության լավագույն նմուշները տեղադրվում են կայքում, սովորողի և դասավանդողի բլոգներում:

Իրականացվում է նաև օտարալեզու տեսանյութերի և ֆիլմերի թարգմանություն:

Եվ տեքստային նյութերի, և թե տեսանյութերի թարգմանության դեպքում պարտադիր պայման է նյութի սկզբնաղբյուրը նշելը:

Դասարանում, ինչպես նաև տանը աշխատում են և´ անհատապես, և խմբով:

Դասարանում խմբային աշխատանքի ժամանակ  սովորողները նյութը կարդում են գրատախտակից,  հատվածաբար թարգմանում, այնուհետև` խմբագրում:

Անհատական աշխատանքի ժամանակ  սովորողը նյութը թարգմանում է  առանձին,  խմբագրում է ու ներկայացնում:

Տնային աշխատանքի դեպքում աշխատանքը կատարվում է առցանց: Սովորողը տեքստի իրեն հասանելիք հատվածը թարգմանում է, փոխանցում է  ընկերոջը, հետո միասին խմբագրում են ու ամբողջական թարգմանված տեքստը ուղարկում են դասավանդողին:

Տնային առաջադրանքը սովորողներին ուղարկվում է Live@Edu համակարգի միջոցով: Դասավանդողը նշում է առաջադրանքի կատարման ժամկետները:

Բովանդակությունը

• Տեղեկատվական տեքստ.նպատակը, ծավալը, կառուցվածքը
• Տեղեկատվական տեքստի տեսակները
• Կապակցված խոսք
• Աշխատանք թարգմանված տեքստի հետ
• Ինտերնետային էջերից  արված թարգմանություն
• YouTube. com կայքից արված թարգմանություն
• Աշխատանք թարգմանված տեքստի հետ
• Աշխատանք տրված տեքստի հետ
• Գրավոր աշխատանքների վերլուծություն
• Գիտահանրատչելի ինտերնետ ալիքի ստեղծմանն ուղղված այլ թարգմանական աշխատանքներ: