Կոմիտասյան երգ-խաղերի ժողովածու

Մանկական երգերը չպետք է ունենան  բարոյախոսական, խրատական և պատմական բովանդակություն:

Մանկական  երգը պետք է կարճ, կտրուկ, հստակ, գեղեցիկ, ճոխ հանգավոր, պարզ չափով  ու կշիռով լինի: 

Երգի ունկնդրում. սաները  մինչ կենդանի կատարումը լսելը, ունկնդրում են երգի աուդիո տարբերակը: Երգի ունկնդրման  ժամանակ կարող են ազատ շարժվել, պարել, երգել:  

Երգի փոխանցում. որպեսզի երգը սաների մոտ արմատավորվի և երգը հիշեն, պետք է երգի  փոխանցման  մատչելի և հետաքրքիր տարբերակներ մշակել և օգտագործել:

Երգի ռիթմի յուրացում

 Ծափերի միջոցով –երգի ռիթմի յուրացման համար չափազանց օգտակար է ծափերի կիրառումը: Ծափերը կարելի է կիրառել երկու եղանակով ՝

• երգի մետրին համապատասխան օրինակ՝(նայ-նայ-նայ)
• երգի ռիթմիկային համապատասխան օրինակ՝(նայ-նա-նա-նայ)

Հետևյալ և այլ եղանակներները հնարավորություն են ստեղծում կենտրոնացնելու սաների ուշադրությունը, զարգացնելու նրանց  կողմնորոշվելու կարողությունը, խթանում է ֆիզիկական զարգացումն ու ակտիվությունը:

Դոփերի միջոցով  –դոփերն օգտագործելիս հաշվի պետք է առնել  դոփի ուժգնությունը  և երգի մետրի հստակությունը: Ոտքերը շարժելիս սանը իր կենտրոնացման մեծ մասը հատկացնում է դոփի իրականացմանը և  քիչ մաս հատկացնում է երգելուն: Այստեղից հետևություն կարելի է անել, որ դոփերը հնարավորին չափ պետք է պարզ և հստակ  լինեն, այսինքն՝ մետրական, որպեսզի չխանգարեն  սաների կենտրոնանալուն բուն երգի յուրացմանը:

Շրխկանների միջոցով-շրխկանները կարելի է և պետք է  օգտագործել , բայց այն օգտագործելու համար պետք  է ընտրել ճշգրիտ ժամանակահատված: Երգի որոշակի յուրացումից հետո միայն կարելի է օգտագործել շրխկանները: Շրխկանները նպաստում են  սաների մոտ երաժշտառիթմիկ պատկերների ընկալմանը, զարգացնում են հիշողությունը և կողմնորոշվելու կարողությունը:

Կատարում -Այնուհետ սովորում ենք բառերը ռիթմին համապատասխան հանգավորումներով, տարբեր խաղերի կամ համապատասխան շարժումների ուղեկցությամբ, մանավանդ որ մինչ այդ էլ արդեն լսել և ձայնակցել ենք: 
Երգը սովորում են անընդհատ լսելով, դրանով խաղալով, երգը խաղի վերածելով :
 Վերջում ստացվում է խաղ-բեմադրություն:
Բեմադրում-երգը յուրացնելուց հետո, հասցնում ենք ավարտական տեսքի:
Բեմադրության մեջ օգտագործում ենք շրխկանները և մեր բնական նվագարանները, ձայները:

«Եկեք  ծեծենք սոխ ու սխտոր» երգ-խաղի մշակում, իրականացում
 Երաժշտական երգ –խաղ  հավանգներով

Սովորում ենք երգը երգել ծափերի և խաղերի միջոցով:
Պատրաստում ենք կավով հավանգներ:
Այնուհետև ներկում ենք գուաշներով:
Սաները նստում են շրջանաձև, ամեն մեկը վերցնում է իր հավանգը և արդեն սովորած երգը սկսում ենք խաղալ և երգել: Ամեն բառի հետ համահունչ հավանգի մուրճիկով հարվածում են հավանգին:

Այս մեթոդով կձայնագրվեն նշված   երգերը.
Հաշվերգ  «Տիտոխիկ»   
Երգ    «Ձիուկը»
Երգ  «Լուսնակ պատին դիպել ա»