Էլեկտրոնային բացատրական բառարան

Նորություն  չեմ ասի, որ կրթահամալիրում պատմության,աշխարհագրության, հասարակագիտության դասեըը անցկացվում են էլեկտրոնային գրատախտակը` կիրառելով ՏՀՏ- որպես ուսումական ամենաժամանակակից թվային միջոց:

Մինչև հիմա ինչքան էլ ինտերնետում փնտրել եմ որևէ բառի  կամ պատմական և աշխարհագրական անունի բացատրություն, չեմ գտել, կամ արդյունքը ինձ չի գոհացրել կամ էլ ինֆորմացիան չի բավարարել, քանի որ այդ էլեկտրոնային բառարանը չկա:

Դասապրոցեսում, երբ սովորողի համար չհասկացված հապավում, բառ, աշխարհագրական կամ պատմական անունի բացատրություն էր պետք լինում, փնտրտուքը արդյունավետ չէր լինում կամ էլ  արդյունքը չէր բավարարում:
Ես էլ իմ կոլեգաների և սովորողների հետ  որոշեցի ստեղծել  «Էլեկտրոնային քաղաքական տերմինների բացատրական բառարան՚»՚ և  «Էլեկտրոնային աշխարհագրական և պատմական անունների բացատրական բառարան»՚. ստեղծել և տեղադրել գրադարանի կայքում` որպես ուսունական ձեռնարկ:

Սկսվեց երկար ու հետաքրքրի մի աշխատանքային շրջան. նյութերը բաժանվեցին տարբեր դասարաններում: Սկզբում սովորողները կարծում էին` հեշտ գործ է, բայց ամեն մի դասից հետո, երբ նոր բառի բացատրություն էր պահանջվում, հասկանալի դարձավ, որ աշխատանքը լուրջ է և պատասխանատու: Word ծրագրով աշխատելու ժամանակ անվանումը փնտրելու համար պետք է ամբողջ էջը նայեինք: Հետո մեր գրադարանի բարեկամ և  ընկեր՝11-րդ դասարանցի Սարգիսը մեզ խորհուրդ տրվեց օգտագործել Exel ծրագիրը: Փնտրվող բառը  գտնելու համար սեղմում ենք Փնտրում, և բառի բացատրությունը գալիս է. դա շատ արագ է լինում և արդյունավետ:

Էլեկտրոնային բացատրական բառարանի խնդիրն է տալ հասարակական-քաղաքական, աշխարհագրական, պատմական բառերի, տերմինների համառոտ բացատրությունը: Այստեղ զետեղված են այնպիսի բառեր, որոնք հաճախ են հանդիպում թե դասագրքերում, թե հեռուստատեսային հաղորդումներում և թե ընդհանրապես:

Այս աշխատանքը շարունակական է, քանի որ ուսումնառության ընթացքում անընդհատ հանդիպում ենք և հանդիպելու ենք նորանոր բառերի:

Սովորողների համար դյուրին և պատկերավոր էր «Էլեկտրոնային աշխարհագրական և պատմական անունների բացատրական բառարանը»՚ ներկայացնել Power point  ծրագրով. նրանց կարծիքով պատկերը ավելի հետաքրքիր է դարձնում բառի բացատրությունը:
Ասեմ նաև, որ հրատարակած գրքեր կան՝  Կամսար Ավետիսյան`
«Աշխարհագրական անունների բացատրական բառարան»: Եր.: -Լույս,1969:«Քաղաքական համառոտ բառարան» Եր.Հայստան.-1968թ

Նոր հրատարակված բացատրական բառարաններ առայժմ չկան, բայց նոր անուններ, նոր տերմիններ  անընդհատ առաջանում  և գործածվում են: Այնպես որ կարծում եմ` այսպիսի բառարանի կազմումն ու կիրառումը օգտակար կլինի կրթական համակարգում:

Կարծիք էլեկտրոնային բառարանի մասին

Անցած ուսումնական տարում մենք ցանկանում էինք ուսումնական նյութ պատրաստել,  որը նորություն կլիներ, նաև օգտակար: Մեր աշխարհագրության և պատմության ուսուցչուհիների հետ խորհրդակցելուց հետո  որոշեցինք ստեղծել աշխարհագրական և պատմական անունների բացատրական էլեկտրոնային բառարան: Աշխատանքը կատարեցինք, բայց այն  թերի  մնաց: Այս ուսումնական տարում տիկին Մարիի խորհրդով  որոշեցինք այն շարունակել, որովհետև ոչ մի կայքում նման բառարան չգտա: Իմ կարծիքով սա ավելի ծավալուն ու ամբողջական  աշխատանք եղավՙ քան նախորդը:
Այս կերպ ավելի հեշտ է սովորել անունների բացատրությունը, հատկապես, երբ այն պատկերազարդ է: Մենք ապրում ենք տեխնիկայի դարում և մեզ համար ավելի հեշտ է համակարգչով աշխատել: Բացի այդ այս բացատրական բառարանը համահավաք բառարան է լինելու և մեզ անհրաժեշտ ինֆորմացիան ձեռք բերելու համար մի քանի գիրք գտնելու փոխարեն ավելի հեշտ կլինի գտնել այս բառարանը:
Այս ուսումնական նյութը ես պատրաստել եմ Microsoft Office PowerPoint ծրագրով, տեղադրել եմ նկարներ, որով կարծում եմ ավելի  հետաքրքիր, պատկերավոր և հասկանալի կլինի այն: Այս ուսումնական նյութը քննարկվելուց  հետո եթե հավանության արժանանա, և առաջարկվի մեկ այլ ծրագրով պատրաստել, ես պատրաստ եմ: Նյութը շարունակական է: 
Սողոմոնյան Արտավազդ, 8-1 դասարան