Լուսինե Բուշ

Մեդիամիջոցներ և խոսակցական անգլերեն

Նախորդ տարվա մայիսյան հավաքին արդեն խոսել ենք նրա մասին, որ «Մխիթար Սեբաստացի» կրթահամալիրն իրականացնում է օտար լեզվի և համակարգչային ծրագրերի խորացված ուսուցում 1-ին դասարանից: ՏՀՏ միջոցները աջակցում են օտար լեզվի ուսուցմանը և այն ավելի հետաքրքիր և մատչելի դարձնում: Ակնհայտ է ՏՀՏ-ների դերը տեղեկավություն ստանալու, գրավոր խոսքի զարգացման և բառապաշարի հարստացման գորոծում: Այժ դիտարկենք Մեդիամիջոցների արդյունավետությունը խոսակցական օտար լեզվի զարգացման ասպարեզում: 

Օտար լեզվի դասավանդման հիմնական խնդիրներից է սովորողի մոտ խոսակցական լեզվի, օտար լեզվով միմյանց հետ շփվելու հմտությունների զարգացումը: “Մխիթար Սեբատացի” կրթահամալիրի հեղինակային (այլընտրանքային) մանկավարժության կողմից ընդունած ուսումնական պլաններին համաձայն օտար լեզուն կրտսեր դպրոցում անցկացվում է ամենօրա ռեժիմով, ինչը թույլ է տալիս սովորողներին յուրացնել և´ պետական չափորոշիչներին համաձայն հանրակրթական ծրագիրը, և´ միևնույն ժամանակ, լրացուցիչ այլ նյութեր, թեմաներ: Յուրաքանչյուր ուսումնական նյութ, թեմա կամ որևէ ստեղծագործական աշխատանք կատարելիս սովորողները գործածում են թվային ֆոտո և տեսախցիկ, համակարգիչ, ինտերնետ, էլ. գրատախտակի տարբեր ֆունկցիաներ, թվային զանազան ձայնագրման միջոցներ` թվային դիկտոֆոն, միկրոֆոն, համակարգչային տարբեր ծրագրեր:

Յուրաքանչյուր թեմատիկ աշխատանքի արդյունք է դառնում կամ տեսաֆիլմ, կամ տարբեր ծրագրերով ստեղծված պրեզենտացիաներ /Movie maker, Power Point, Adobe Premier/: Սա նպաստում է երեխաների կողմից այս ծրագրերին տիրապետելուն և կատարելագործմանը: Նյութերը հաճախ դառնում են ուսումնական, հետազոտական, ունենում են շարունակական բնույթ և կարող են ծառայել ոչ միայն տվյալ դասարանի համար, այլ նաև ավելի ցածր դասարաններում` որպես արդեն պատրաստի նյութ:  Թեմաները ընտրվում են այնպես, որ առնչվեն սովորողի առօրյա կյանքին, համահունչ լինեն իրենց այլ առարկաների հետ /ինտեգրված/: