Բիլ Գեյթսին կարելի է աստվածացնել կամ ատել, բայց չի կարելի հերքել, որ նա յուրահատուկ և պարզ մտածող մարդ է: Այդ պատճառով էլ բոլոր նրանց համար, ովքեր ունեն տարբեր տարիքի երեխաներ, կամ ովքեր դեռ ինչ-որ չափով երեխա են, օգտակար է իմանալ միստր Գեյթսի պատկերացումներն այն մասին, որ ԱՄՆ-ի կիրթ քաղաքականությամբ, զգուշավոր (որ Աստված չանի` որևէ մեկի նուրբ զգացմունքները չվիրավորի), հավասարեցնող կրթական համակարգը ստեղծել է երեխաների մի ամբողջ սերունդ, որը մի փոքր պատկերացում անգամ չունի իրական կյանքի մասին: Նա իր մտքերը ներկայացրել է մի դպրոցում, ուր նրան հրավիրել էին` ելույթ ունենալու:

Այսպիսով` ՙ11 բան, որ մոռացել են քեզ սովորեցնել դպրոցում՚` ըստ Բիլ Գեյթսի:
1. Կյանքն արդարացի չէ. համակերպվի'ր այդ փաստի հետ:
2. Աշխարհը թքած ունի քո ինքնազգացողության և ինքնահարգանքի վրա: Աշխարհը քեզանից ինչ-որ նվաճումներ է սպասում նախքան քո սեփական արժանապատվության զգացմանն ուշադրություն դարձնելը:
3. Շատ քիչ հավանական է, որ դպրոցն ավարտելուց հետո քեզ միանգամից կսկսեն վճարել տարին 40 հազար: Դու չես դառնա ընկերության փոխ-նախագահ` լիմուզինով ու անձնական վարորդով, մինչ չարժանանաս դրան:
4. Եթե դու մտածում ես, որ քո ուսուցիչը խիստ է և պահանջկոտ, սպասի'ր պետիդ հետ ծանոթանալուն: Ի տարբերություն ուսուցչի, պետի կարիերան կախված է նրանից, թե ինչպես ես գլուխ հանելու քո հանձնարարություններից:
5. Մակեդոնալդսում համբուրգեր սարքելը քո արժանապատվությունից ցածր չէ: Քո նախապապերը ցանկացած աշխատանքը, նույնիսկ այդպիսին, կանվանեին ՙլավ հնարավորություն՚:
6. Մի' շտապիր քո յուրաքանչյուր անհաջողության համար մեղադրել քո ծնողներին: Մի' փնթփնթա և մի' շարժվիր ըստ քո անհաջողությունների. սովորի'ր դրանցից:
7. Մինչև քո ծնվելը քո ծնողներն այդքան մռայլ և անհետաքրքիր չեն եղել, ինչպիսին քեզ հիմա են թվում: Նրանք այդպիսին են դարձել` քո անհոգ մանկության համար փող աշխատելով, լվանալով քո շորերը և լսելով քո անվերջանալի դատարկ խոսակցություններն այն մասին, թե ինչքան լավն ես: Նախքան քո ծնողների ագահ սերնդի ավերածություններից Ամազոնյան անտառները փրկելու գնալը սկզբի համար կարգի' բեր քո սենյակը:
8. Քո դպրոցը վերացրել է բաժանումը` հաղթողների և պարտվողների, կյանքը` ոչ: Որոշ դպրոցներում վատ գնահատական դնելը վերացրել են, թույլ են տվել թեսթը հանձնելու կամ հարցին պատասխանելու փորձ անել, ինչքան ուզում ես… Դա մի փոքր նմանություն անգամ չունի նրան, ինչ կատարվում է կյանքում:
9. Կյանքը բաժանված չէ կիսամյակների, ամառային արձակուրդներ չկան, և շատ քիչ գործատուների է հետաքրքրում քո ՙեսը՚ գտնելուն օգնելը: Դա դու անձամբ պետք է անես:
10. Մի' շփոթիր իրական կյանքը այն բանի հետ, ինչ ցույց են տալիս հեռուստացույցով: Կյանքում մարդիկ ավելի շատ ժամանակ ստիպված են անցկացնել ոչ թե սրճարանում, այլ աշխատանքի վայրում:
11. ՙԱկնոցավոր բուսաբանների՚ հետ լավ հարաբերություններ ունեցի'ր: Նրանցից մեկը երբևէ կդառնա քո պետը:

Ռուսերենից թարգմանեցին
Շուշանիկ Սողոմոնյանը,
Արփինե Սահակյանը (6-րդ դասարան)