Ընտանիք-պարտեզ համագործակցություն

«Լավ մանկապարտեզը ոչ թե փոխարինում, այլ լրացնում է ընտանեկան դաստիարակությունը»: 
Բենջամին Սփոք

Վաղ տարիքի սաների սոցիալական զարգացման գործընթացը կանոնակարգվում է երկու կառույցների միջոցով՝ նախադպրոցական հաստատություն և ընտանիք: Հետևաբար արդյունավետ համագործակցությունը անհրաժեշտ պայման է: Նախագծի նպատակն է ներկայացնել «պարտեզ-ընտանիք» կապի առանձնահատկությունները:

Ընտանիք-պարտեզ գործընկերության կազմակերպումը

Ծնողը կրթական հաստատությունում իրականացվող ծրագրի կրողն է, տարածողը, արժեքներ փոխանցողը: Եթե կրթական հաստատությունն ու ընտանիքը չհամագործակցեն, նույն արժեքների կրողը չլինեն, դրանից ոչ միայն սանի զարգացումը թերի կլինի, այլև հասարակական առաջընթացը: Սանի կրթողը ծնողն է, և եթե նա չի տիրապետում իր սանի կրթության իրական-առաջադիմական գործիքներին, ապա ցանկացած ջանք թերի կլինի: «Մխիթար Սեբաստացի» կրթահամալիրի նախակրթարանում այդ համատեղ աշխատանքը իրականացվում է որպես ծրագրի բաղկացուցիչ:

Յուրաքանչյուր դաստիարակ ունի բլոգ, որը հասանելի է բոլոր ծնողներին: Բլոգում տեղադրվում են աշխատանքային նախագծերը, սաների գործունեության լուսաբանումը:

Ընտանեկան կրթության կազմակերպման անմիջական ձևերից է խմբի ծնողական ակումբի պարապմունքը: Ծնողական խմբերը սկսեցին գործել որպես ակումբներ, որոնց պարապմունք-հանդիպումները իրականացվում են նախապես հրապարակված ծրագրով՝ ունեն հստակ խնդիրներ. ակումբների պարապմունք-հանդիպումներին մասնակիցները յուրացնում են նախակրթարանում իրականացվող ծրագիրը, հանդիպում են մասնագետների հետ, քննարկում իրենց հետաքրքրող հարցերը, ընտանեկան տարբեր նախագծերի պլանավորում, իրականացում.

• Ծես-ծիսակատարության իրականացում
• Ծնողական սեմինար
• Ծնողական սեմինար
• Երգի ուսուցում՝ Թամզարա

Ծնողի մասնակցությունը սաների գործունեությանը

Կրթահամալիրի նախակրթարանում իրականացվող նախագծերին ներառու ենք ծնողներին. Հիմնականում մասնակցում են մայրիկներն ու տատիկները՝

• Պատրաստում ենք պասուց տոլմա 
• Տարեգաթա
• Պատրաստում ենք հարս և փեսա
• Ասիլ , վասիլներ 
• Ամանորյա շրջանակ 
• Խաղալիք, ձնեմարդ
• Լավաշթխիկ
• Ձնախաղեր

Փորձել ենք նախագծերին մասնակից դարձնել նաև հայրիկներին, իհարկե, բարդ էր, քանի որ մեծ մասը կաշկանդվում է՝

• Ընկույզով անակնկալ 
• Համով հոտով թխվածքաբլիթ
• Հեքիաթասաց հայրիկը

Ծնողը մասնակցում է նաև ուսումնական միջավայրի զարգացմանն ու մշակմանը՝

• Ծառատունկ
• Վարդատունկ

Պարտեզ և ընտանիք

Շատ կարևոր է զարգացնող միջավայրը, դրա մշակումը, զարգացումը: Հայկական ընտանիքներում քիչ կգտնես սանի զարգացման համար հատուկ մշակված միջավայր կամ գոնե միջավայրի ճիշտ ու նպատակային օգտագործում: Կրթահամալիրի պարտեզը այդ փաստն էլ աչքաթող չի արել: Իրականացնում ենք «Պարտեզ ընտանիքում» նախագիծը: Այդ նախագծով ընտանիքն ու պարտեզը միավորվում են, դառնում մեկ ընդհանուր: Ահա ընտանիքի մասնակցությամբ նախագծեր՝

• Առավոտյան ծեսը ընտանիքում 
• Կարտոֆիլային աղցան 
• Ես կարողանում եմ. մաս 1
• Ես կարողանում եմ մաս 2
• Ամանորյա դիջիբացիկներ
• Ի՞նչ է ընտանիքը
• Սովորող-սովորեցնող
• Պատրաստում ենք վաֆլի
• Ինքնաշեն խաղալիք
• Բնագիտական փորձ

Արձագանքում են ծնողները՝

Մարիամ Բալյան
Հանդիսանալով կրթահամալիրի հետ երկարատև համագործակցության կրողը, լինելով արդեն 2-րդ սեբաստացի երեխայի ծնող՝ շատ եմ կարևորում ընտանիք – պարտեզ-դպրոց միության անխախտ միասնությունը: Բազմաթիվ անգամ առչվելով (թեպետ երբեմն առցանց) կրթահամալիրի առօրյային՝ հասկացել եմ, որ շատ կարևոր է ծեսերի , խաղերի, ստուգատեսների մասնակցությունը ընտանիքով, մեծով, փոքրով, որն ավելի է ամրապնդում պարտեզ-երեխա ու նաև՝ երեխա-ընտանիք կապը: Այնքան կարևոր է, որ այդ երկկողմանի աշխատանքը կատարվում է սիրով , ու երեխայի մոտ դեռ փոքրուց պատասխանատվություն է ձևավորվում այն ամենի նկատմամբ, ինչ իրեն հանձնարարում են:

Լաուրա Մալխասյան
Ի՞նչ է տալիս մանկապարտեզը երեխային`