Լիանա Հակոբյան

Մաթեմատիկայի օրը ձմեռային ճամբարում
 
 24.12.2007թ.

Բոլորին հայտնի է, թե սովորողներն ինչ հաճույքով են կատարում խմբային առաջադրանքները: Ինձ հետաքրքիր էր, ինչպես կկատարեն առաջադրանքները, երբ խումբը բաղկացած լինի տարբեր տարիքի սովորողներից:

Կազմեցի 7 տրամաբանական հարց (տարբեր բարդության) և անցկացրի մրցույթ: Մրցում էին գեղարվեստի նոր դպրոցի սովորողները 2 տարատարիք խմբով՝ Կայծակ և Փիս-փիս: Մրցույթի ժամանակ, որպեսզի խնդիրներն անընդհատ չկրկնեի, գործածեցի համակարգիչ և պրոյեկտոր, առանց ընկերներին շեղելու-խանգարելու մասնակիցը կարող էր էլեկտրոնային խնդիրը կարդալ՝ ինչքան ուզում է, և մտածել:
Խումբն աշխարում էր հետևյալ կերպ. մեծերը փորձում էին գտնել ճիշտ պատասխանները, իսկ փոքրերը դրանք մուտքագրում էին:
Որպեսզի հետաքրքիր լիներ և աշխույժ անցներ, պատրաստել էի մկնիկներ, յուրաքանչյուր ճիշտ պատասխանի համար նվիրում էի խմբին:
Ինձ ուրախացրեց այն, որ անկախ խմբում երեխաների քանակից և տարիքից, սովորողները կարողանում են ճիշտ կազմակերպել աշխատանքը և գտնել խնդրի պատասխանը:

Առաջին խնդիր

Ունենք 1, 0, 7, 3 թվերը: Քանի՞ երկնիշ թիվ կարող եք ստանալ, որո՞նք են դրանք:

Պատասխան՝ 9: Դրանք են`10, 70, 30, 17, 13, 71, 73, 31, 37 (Փիս-փիս):

Երկրորդ խնդիր

Թղթի վրա դրված է 7շրջան:
Դասավորե´ք այնպես, որ յուրաքանչյուր կողմում լինի 2 հատ:

Խնդիրն առաջինը լուծեց Կայծակը (նկարում պատասխանն է):

Երրորդ խնդիր

Ունենք 16 հատ 4 տարբեր գույնի քառակուսիներ (յուրաքանչյուր գույնից 4 հատ): Դասավորե´ք այնպես, որ ամեն տողում (հորիզոնական, ուղղաձիգ, անկյունագծով) լինի տարբեր գույնի քառակուսիներ:

Խնդիրը չկարողացանք լուծել: Մտածում ենք

Չորրորդ խնդիր

Ձողիկներով գրված է ճիշտ հավասարություն:
Տեղափոխելով մեկ հատ ձողիկ, ստացե´ք ուրիշ հավասարություն:

Խնդիրը լուծեց Փիս-փիսը:

Հինգերորդ խնդիր

Եռանկյան կողմերի վրա` շրջաններում, գրե´ք միանիշ թվեր (չկրկնվող), որ յուրաքանչյուր կողմում թվերի գումարը լինի 20:

Պատասխանը առաջինն ստացավ կայծակը: