|
 |
ԴՊԻՐ 32 ՄԱՍՆԱԳԻՏԱԿԱՆ ԶԱՐԳԱՑՈՒՄ Ա. Խինչին Աշոտ Բլեյան «Հանրակրթության մեդիագրի շրջանը» Ուսումնական նյութեր Լեո Պաուլո Կոելիո Որքան կարևոր է դիպլոմ ունենալը Սրին տիրապետելու արվեստի մասին ՏԱՐԲԵՐ ԵՐԿՐՆԵՐԻ ԴՊՐՈՑՆԵՐԸ Ս. Սոլովեյչիկ Անահիտ Հարությունյան Յուրա Գանջալյան ՄԱՆԿԱՎԱՐԺԱԿԱՆ ՄՈՏԵՑՈՒՄՆԵՐ Մարկոս Ավրելիոս ՓՈՔՐԵՐՆ ՈՒ ՄԵԾԵՐԸ (մանկավարժական ակումբ) ԱՐՁԱԳԱՆՔ Նունե Մովսիսյան |
Աշոտ Բլեյան Հանրակրթության մեդիագրի շրջանը
|
Մեր լավ բարեկամ ու գործընկեր Գրիգոր Բարսեղյանի` կրթահամալիրում մեկ դասարան ընտրելու ու այնտեղ Մայքրոսոֆթի ստեղծած ուսումնական գործիքներն ամբողջական կիրառելու առաջարկն ահա այսպիսի` կրթական նոր ծրագրի տեսք ստացավ` տեղեկատվական տեխնոլոգիաների խորացված ուսուցմամբ հանրակրթական դասարան` սկսած 1-ինից մինչև գոյություն ունեցող ամենաբարձր 11-րդը: Սրանով մենք առաջին անգամ Հայաստանում սկսում ենք հանրակրթության մեջ նոր փուլ` մեդիագիր ուսուցում: Եղել է, կա ձեռագիր-տպագիր ուսուցումը, պիտի լիներ ու մեզանում ուշանում էր մեդիագիրը. ահա սկսում ենք: Շոգ ու արձակուրդային հուլիսին երկրորդ անգամ այսպիսի հետաքրքրասեր ու ներկայացուցչական լսարան է հավաքվում, Ֆիրմա Ալֆան անմիջապես 20 նոր էլեկտրոնային գրատախտակի հարմար գնային առաջարկով ապահովում է առկա ու ձևավորվելիք ՏՀՏ խորացված ուսուցման դասարանները, INTEL ֆիրման Հայաստանում իր ներկայացուցչի` «Unicomp»-ի միջոցով 30 նոթբուք է նվիրում կրթահամալիրին, ՀՀ վարչապետի հանձնարարությամբ էկոնոմիկայի նախարարությունում մշակվում են առաջարկներ այս կրթական ծրագրի աջակցության, կրթահամալիրի կրտսեր, միջին և ավագ դպրոցներում ձևավորվել են բոլոր դասարաններից մեկական, այդ դասարանի ուսուցիչները` ընտրված նոր պահանջներով, անընդհատ ուսուցում են անցում. այս ամենը խոսում է այս ծրագրի հասարակական պատշաճ արձագանքի ու պահանջարկի մասին: Սա ծրագիր է, որ սկսում է իրականցվել կրթահամալիրում և, վստահ եմ, լայն տարածում կունենա: Օրերս մենք կրթական փոխանակման ծրագրով Հայաստանում Վրաստանի դեսպանության աջակցությամբ եղանք Նինոծմինդայում, Ծալկայում, Բոլնիսում, ներկայացրինք այս ծրագիրը նաև Գանձայի, Այազմայի, Ղուշչիի, Խաչենի հայկական դպրոցների ուսուցիչներին. այս ծրագիրը կարող է կրթական կամրջի դեր կատարել վրաց և հայ ժողովուրդների միջև: 
Տեղեկատվական տեխնոլոգիաների խորացված ուսուցման դասարանները կլինեն բաց, զարգացող հասարակության առաջադեմ-ուսումնատենչ համայնքներ, իսկ օտար լեզվի պատշաճ ուսուցումը անհրաժեշտ գործիք կծառայի ամենալայն միջազգային կրթական փոխանակումների, ստուգատես-օլիմպիադաների կազմակերպման համար: Նոր դաշտ է բացվում հասարակական ամենաակտիվ և կայացած խմբերի և անհատների գործընկերության համար: Համեցեք: Սա նվեր է սովորող երեխային և սովորելու հարգը իմացող ընտանիքին: Ահա ինչու մենք վստահ հրավիրում ենք 2004թ. ծնված երեխաներին և հիմնական դպրոցն այս տարի ավարտած պատանիներին` օգտվեք այս հնարավորությունից: