«Հասարակագիտություն» առարկայի դասագրքի մասին
(Տասներորդ դասարանցիների կարծիքը)

Երբ կարդում եմ մեր նոր դասագրքերը, զգում եմ, որ չկա այն ուսումնատենչություն ավետող ոգին, որը մեզ ստիպում է թափանցել գրքի ամեն բառի խորքերը և հասկանալ դրա բուն էությունը: Ուզում եմ, որ հեղինակները գրքերի մեջ ներդնեն իրենց հոգին, ինչպես խոհարարն է ներդնում իր հոգին իր ճաշատեսակների մեջ, ուզում եմ, որ սիրով գրեն գրքերը, գրեն`մտածելով, որ երեխաներին կրթելու և խելացի սերունդ մեծացնելու համար են ստեղծում գրքերը, ոչ թե գումար վաստակելու և պարտքը կատարելու համար: Գրեք գրքերն ավելի հասկանալի և ընթեռնելի, ավելի պատկերավոր և գունազարդ, որ դեպի իրեն ձգի կարդացողին:

Ռազմիկ Պետրոսյան

 Ինչպես բոլոր դասագրքերում, այնպես էլ մեր հասարակագիտության դասագրքում կան վրիպումներ, բայց դա չէ հարցը: Ինձ բոլոր դասագրքերում, այդպես էլ հասարակագիտության դասագրքում, զայրացնում են անմատչելի և բոցավառ նախադասությունները. տպավորություն է ստեղծվում, որ հեղինակներն իրենց առջև խնդիր են դրել ոչ թե դասագիրք կազմել, այլ պարզապես կատարել ինչ-որ մի պատվեր, և ինչքան գրքի էջերը շատ, այնքան լավ: Ես չեմ ասում, որ չլինեն գրքերի էջերը շատ, ես ասում եմ, որ գրքերը` հատկապես դասագրքերը, լինեն իմաստալից: Եթե վերցնենք այս տարվա հասարակագիտության դասագիրքը և սկսենք համեմատել պատմության դասագրքի հետ, ապա կգանք այն եզրակացության, որ մեր հասարակագիտության դասագիրքը ավելի հաջող է, քան մեր պատմության դասագիրքը: Մեր հասարակագիտության դասագրքում լավ կլիներ, եթե ավելի շատ լինեին խնդիրները:

Ելենա Չիլինգարյան