Նաիրա Նիկողոսյան

Սովորողի ուսումնական աշխատանքի որակի գնահատում և գործիքներ

XXI դարի դպրոցի բարեփոխումներն անհնար են առանց հետազոտող ուսուցչի: Ուսուցիչ, ում  հետազոտական որոնողական աշխատանքը նպատակաուղղված է նոր տեղեկատվություն ստանալուն, ուսումնառության ընթացքի արդյունավետության բարձրացման նոր ուղիների որոնմանն ու հայտնաբերմանը:

Հեղինակային մանկավարժության ծրագրերի հեղինակների նախորդ (1-ին) հավաքի ժամանակ արձանագրեցինք, որ  մեր դասավանդողների մի մասն էր զբաղվում հետազոտական աշխատանքով:
2007թ. հունվարից գործում է դասավանդողի նոր աշխատակարգը, որով պայմանավորված՝ բոլորն են հետազոտական աշխատանքով զբաղվում: 2-րդ հավաքին արդեն բոլոր դասավանդողներն  են հեղինակային մանկավարժության հեղինակներ:

Ինչպիսին ուսուցիչն է, այնպիսին էլ սովորողն է:
Դասավանդողներն այսօր ազատ տիրապետում են ՏՀՏ-ներին և գործածում ուսումնական գործընթացում, 2-10-րդ դասարանցիներն ունեն էլ.փոստի հասցեներ և ազատ օգտվում են ինտերնետից: Արդեն ունենք «Էլեկտրոնային դպրոցի» օրինակներ:

 Կրթահամալիրը իր 20-ամյա գործունեության ընթացքում իրագործել է հետազոտող ուսուցչի ու սովորողի պատրաստման մոդելը: Մոտեցման այս ուղիներն այսօր արդեն ամրագրված են ՀՀ հանրակրթության պետական կրթակարգում և արդեն իրողություն են (տե՛ս ՀՀ հանրակրթության պետական կրթակարգ, բաժին 14 «Ուսուցչին ներկայացվող ընդհանրական պահանջներ», բաժին 5 «Միջնակարգ հանրակրթական դպրոցի շրջանավարտին ներկայացվող պահանջներ», կրթահամալիրի կայք «Զարգացման ծրագիր», դասավանդողի  աշխատակարգ):  Հետազոտողների համայնքում գնահատումը դարձել է ստեղծագործական աշխատանք. գնահատում ենք ամեն ինչ ու անընդհատ.  պայմանով, որ խրախուսում ենք:

Եթե հավակնել ենք հայտարարել, որ կրթությունն ապրելու գործընթաց է, ապա գնահատումը ոչ թե զուտ կրթական, այլ կյանքի բոլոր բնագավառներին առնչվող խնդիր է. յուրաքանչյուրիս անհրաժեշտ է գնահատման հմտություն ունենալ: Մենք չենք առաջարկում  տեսություն, որ պետք է իրագործենք  պրակտիկայում, այլ  երաշխավորում ենք գործնականը: Իր ստեղծման օրվանից կրթահամալիրն անընդհատ է զբաղվել   գնահատման այլընտրանքային ձևերի ու գործիքների մշակմամբ: 

Կրթահամալիրում գործող գնահատման ձևեր ու գործիքներ

- Արդեն 10 տարի է կիրառում  ենք սովորողի ուսումնական գործունեության անհատական թղթապանակը (թղթային, էլեկտրոնային)
- Ի նքնաստուգման փաթեթներ
- Գնահատման գործակցային-չափանիշային համակարգ
- Սովորողի ուսումնական հաշվետվություն
- Դասավանդողի հաշվետվություն
- Ցուցադրություններ,  ստուգատեսներ,
- Ամենուրբաթյա  ուսումնական նյութերի ներկայացում
- Ամառային, ձմեռային  ստեղծագործական ճամբարներ
- «Լավն ու վատը դպրոցում»
- Մանկան զարգացման կենտրոն
- Սովորողների ու դասավանդողների ամենամյա մրցանակներ
*«Տիգրան Հայրապետյան»
*«Ծուղրուղո~ւ»
*«Իմացումի հրճվանք»
*«Կրթություն բոլորի համար»
- Սովորողների ու դասավանդողների պարգևատրումներ
- Էլեկտրոնային լրատվամիջոցներ
- Կրթահամալիրի կայք, www.mskh.am
- «Դպիր» մանկավարժական ամսագիր
- «4-ից-6», «Կարդա, ինձ»  աշակերտական էլեկտրոնային թերթեր
- «Բնագետիկ» էլեկտրոնային պարբերական
- Մասնագիտական զարգացման կենտրոն
* գիտելիքների գնահատման կենտրոն
* Սովորողը՝ որպես վերապատրաստող
* Դպրոց-կենտրոն

Գնահատումը մարդուն ապրեցնելու համար է. չվախենանք սխալներից, սխալները համարենք գործընկեր:
Բոլորիս միջից հանենք ձախողման տագնապը....