«Մխիթար Սեբաստացի» կրթահամալիր
2007-2008 ուստարի
Դասավանդողի   հոկտեմբեր ամսվա հաշվետվություն

Մարգարիտ Սարգսյան 
Ուսուցողական ծրագիրը  -Միջին դպրոց
դասավանդած առարկան - հայոց լեզու, գրականություն, լրագրություն, խոսքի մշակույթ
էլեկտրոնային հասցեն – [email protected]
Ամսվա ընթացքում բաց թողած ժամերը  - չեմ բացակայել:

I. Հանրակրթություն

Դասավանդելիս օտար լեզուների, համակարգչի և թվային այլ միջոցների գործածության մասին 
Գրականության դասերին ուսումնասիրել ենք մեր կայքը և աշխատել կայքի նյութերի հետ:
Հայոց լեզվի դասերին ինքնաստուգման էլեկտրոնային առաջադրանքներ են կազմել, սովորողները կատարել են`օգտագործելով համակարգիչն ու ինտերնետը:
9-րդ դասարանցիների համար պատրաստվել են նաև անհատական աշխատանքի թերթիկներ:

Դասավանդման ժամանակ առաջացած դժվարությունների մասին  - Այս ամիս դժվարություններ չեմ ունեցել:

Դասավանդման ժամանակ ունեցած հաջողությունների մասին – Իմ դասերին սիրով են գալիս ու սիրով կարդում, մասնակցում ցանկացած նախաձեռնության:

II. Սովորողի ընտրությամբ գործունեություն

Սովորողի ընտրած գործունեությունը ղեկավարելիս  համակարգչի և թվային այլ միջոցների գործածության մասին – Ղեկավարում եմ լրագրող-թարգմանչի գործունեությունը, որն անցկացվում է հենց Մեդիա կենտրոնում և անիրագործելի է առանց թվային տեխնիկայի:

Սովորողի ընտրած գործունեությունը կազմակերպելիս առաջացած դժվարությունների մասին – ժամանակի պակաս. թարգմանիչների խմբի հետ այժմ աշխատում ենք մի հետաքրքիր նախագծով, որի համար ավելի շատ ժամանակ է անհրաժեշտ:

Սովորողի ընտրած գործունեությունը ղեկավարելիս ունեցած հաջողությունների մասին – Ղեկավարում եմ լրագրություն գործունեությունը (ունեմ 2 խումբ) և խոսքի մշակույթ գործունեությունը թարգմանչական խմբերում (2 խումբ):
Հաջողության մասին վկայում է մեր  ամենամսյա ամսագիրը` «Հայելին», որն էլ բավականին հետաքրքիր ամսագիր է և կարծում եմ, որ արժանի է ուշադրության: Այս տարի մեր լրագրողներն ավելացել են  և նրանց ընտրությունն ավելի հասուն է դարձել:
Օտար լեզուներ-թարգմանություն գործունեությամբ զբաղվող սովորողների «Խոսքի մշակույթի» խմբերի հետ սկսել ենք աշխատել նախագծերի վրա, որոնք ուզում եմ, որ դեռ գաղտնիք մնան: Առայժմ ասեմ, որ մի խմբի հետ էլ  գնացել ենք նկարահանումների, շրջել քաղաքում ու զարմացրել շատերին:

III. Դաստիարակչական աշխատանք

Կատարած հանրօգուտ աշխատանքը – 8-2 դասարանի սովորողների հետ դպրոցի հարակից տարածքի մաքրում:

Սովորողների ինքնասպասարկման աշխատանքի ղեկավարման մասին - 8-2 դասարանի սովորողների հետ դասարանում ամենօրյա հերթապահության ենք իրականացում` դասասենյակի ու սեղանների մաքրում:

Սովորողների հիգիենայի հետ կապված խնդիրների և դրանց լուծման մասին – Փորձում եմ դասս անցկացնել մաքուր դասասենյակում և հաճախ կազմակերպում եմ տարածքի մաքրումը:

Ուսումնական-հասարակական նախագիծ դեռ չունենք:

Ուսումնական ճամփորդությունների մասին – 8-2 դասարանին Ա. Տիգրանյանի, Գ. Մխիթարյանի և Դ. Մինասյանի հետ տարել եմ ճամփորդության` Կոշ: Կայքի համար պատրաստել ենք նյութ, որը և՛ հաշվետվություն է, և՛ հետազոտական աշխատանք: Բացի դրանից սովորողների հետ համատեղ պատրաստել ենք ներկայացում, որը պատմում է մեր ճամփորդության մասին:
12 սովորողի Հակոբյան Ժաննայի հետ միասին տարել ենք երկօրյա ուսումնահետազոտական ճամփորդության: Մեր նպատակն էր աշխատել մի նախագծի շուրջ, որն անվանել ենք «Ազգային փոքրամասնությունները Հայաստանում»: Այս անգամ այցելել ենք մալականներին, սակայն նախագիծը շարունակվում է: Մեր ճամփորդության մասին կարող եք կարդալ կրթահամալիրի կայքում. այս անգամ թեմատիկ պատումների տեսքով, որը պարզապես կայքի համար պատրաստված նյութ չէ, այլ հետազոտական աշխատանք: Պատրաստել ենք հետաքրքիր ներկայացում հենց Ֆիոլետովո գյուղի և մալականների կենցաղի և սովորույթների մասին:

IV.Ծնողների հետ կատարած աշխատանքի մասին

Հանդիպում - սեմինար իմ ղեկավարած դասարանի ծնողների հետ. թեման` սովորողների հետազոտական աշխատանքը:
Բանակցություններ 9-2 դասարանի սովորող Խաչատրյան Սարգիսի մայրիկի հետ, որն մեզ սիրով տրամադրեց Իջևանում գտնվող իրենց տունը,  որտեղ գիշերեցինք մեր ճամփորդության ժամանակ:

V. Մասնագիտական զարգացման և հետազոտական աշխատանք
Առարկայի դասավանդման համար ստեղծած նոր ուսումնական նյութերի և դրանց ստեղծման ժամանակ այլ դասավանդողների հետ  - Ստուգողական աշխատանքի թերթիկ, անհատական աշխատանքի թերթիկ, գրական հետաքրքիր նյութեր: Կայքի նյութերի ուսումնասիրում և քննարկում:
Սովորողի ընտրությամբ գործունեության կամ շտկողական պարապմունքների համար ստեղծած ուսումնական նյութերի և դրանց ստեղծման ժամանակ այլ դասավանդողների հետ համագործակցության մասին (ուսումնական նյութը կամ դրա պատճենը կցվում են) – համագործակցել եմ Հակոբյան Ժաննայի հետ. մեր սեղծած ուսումնական նյութը`թերթը, կարող եք տեսնել կրթահամալիրի կայքում, որի խմբագիրը ես եմ: Սպասարկել եմ կրթահամալիրի կայքը. նյութերը տես կայքում:
Մանկավարժական սեմինարներին մասնակցության մասին - մասնակցում եմ  ամեն չորեքշաբթի կազմակերպվող մանկավարժական սեմինարներին, կմասնակցեմ կրթահամալիրի գրադարանում անցկացվող ամենամսյա ընդհանուր ժողովին:
Կրթահամալիրի կայքի հետ աշխատանքի մասին – սպասարկել եմ կայքը`տալով բազմաթիվ նյութեր. տես կրթահամալիրի կայք, Վարժարանի կայք: Վարժարանի կայքի անընդհատ սպասարկում, աշխատանք սովորողների տարբեր խմբերի հետ, ոչ միայն լրագրողների:
Ինքնակրթության մասին (նշել կատարած աշխատանքները) – ես անընդհատ ինքնակրթվում եմ:
Թարգմանական գործունեության մասին (նշել կատարած աշխատանքները) – Թարգմանություն եմ կատարել «Դպիր» էլեկտրոնային ամսագրի համար (Պ.Կոելո «Ամանորյա հեքիաթ»):

VI. Այլ աշխատանք
 Զրույցներ ուսումնական տարբեր խնդիրների շուրջ  դասավանդողների և սովորողների հետ:
VII. Կրթահամալիրի ներքին կարգապահական կանոնների նկատած խախտումներ- չեմ գրանցել:
VIII. Ամսվա հիշարժան փոփոխությունը – Արևիկի ամուսնությունը:
IX. Առաջարկություններ – չունեմ:

Ուսուցողական ծրագրի ղեկավար՝  Ժաննա Հակոբյան           
Ուսումնական կենտրոնի ղեկավար՝  Մայիս Նիկողոսյան