Սովորողի աշխատանքի կազմակերպումը ավագ դպրոցում

«Մխիթար Սեբաստացի» կրթահամալիրի ավագ դպրոցի սովորողի ուսումնական ծանրաբեռնվածությունը ըստ կրթահամալիրի խորհրդի հաստատած ուսումնական պլանի կազմված է երեք բաղկացուցիչից` ընդհանուր հանրակրթություն, սովորողի ընտրությամբ պարտադիր կրթություն և լրացուցիչ կրթություն: Ըստ ուսումնական պլանի՝ ընդհանուր հանրակրթությանը հատկացվում է շաբաթական 23 ժամ: Այս բաժնում ընդգրկված են միջնակարգ կրթության պետական չափորոշիչի հենքային ուսումնական պլանով  որոշված ուսումնական բոլոր բնագավառները: Դասընթացների ծրագրերը մշակել են կրթահամալիրի դասավանդողները` կրթահամալիրի ավագ դպրոցում դասավանդվող դասընթացին ներկայացված պահանջներին համապատասխան, ապահովելով միջնակարգ կրթության առարկայական չափորոշիչների պահանջները: Այդ դասընթացները կազմակերպվում են դասարաններով (20-25 սովորող)` ըստ ավագ դպրոցի ղեկավարի հաստատած դասացուցակի: Սովորողի մասնակցությունը դասերին հաշվառում է դասավանդողը դասարանի ընդհանուր դասամատյանում:

Սովորողի ընտրությամբ պարտադիր կրթությանը հատկացվում է շաբաթական  11 ժամ: Նա կարող է ընտրել մասնագիտական ուսուցում` հանրակրթությանը զուգահեռ երկու տարի սովորելով որևէ մասնագիտություն: Մասնգիտական ուսուցում ընտրած սովորողների ուսումնական գործունեությունը կազմակերպվում է տվյալ մասնագիտության համար որոշված ուսումնական պլանով: Ուսումնական պարապունքները կազմակերպվում են համապատասխան արհեստանոցներում և արվեստանոցնրում: Սովորողի մասնակցությունը մասնագիտական պարապմունքին հաշվառում է դասավանդողը այդ մասնագիտության համար կազմված մատյանում: Օրվա վերջում դասավանդողը բացակայությունները փոխանցում է համապատասխան դասարանի դասամատյան: Եթե արհեստանոցը կամ արվեստանոցը գտնվում է ոչ այն շենքում, որտեղ գրասենյակը, բացակայությունները փոխանցվում են գրասենյակի ղեկավարին հեռախոսով կամ էլեկտրոնային փոստով: Գրասենյակի ղեկավարը բացակայություններն անց է կացնում համապատասխան դասարանի մատյան: Նախնական մասնագիտական դասընթացների պարապումնքները կազմակերպվում են փոքրաքանակ խմբերով (8-12հոգի): Սովորողի մասնակցությունը պարապմունքներին հաշվառում է դասավանդողը համապատասխան խմբի մատյանում: Մինչև օրվա վերջը նա բացակաները փոխանցում է համապատասխան դասարանի դասամատյան:

Լրացուցիչ կրթական ծառայություն ստանալու համար սովորողի ծնողը կնքում է լրցուցիչ կրթության մասին պայմանագիր: Սովորողի մասնակցությունը պարապմունքներին հաշվառում է դասավանդողը:

Բոլոր սովորողերի ծնողների հետ կնքված են ուսումնառության մասին պայմանագրեր: Ուսումնառության պայմանգրին կցված է սովորողի անհատական ուսումնական պլանը, որը ներառում է սովորողի ընտրած մասնագիտության համապատասխան ուսումնական պլանը կամ ընտրած նախամասնագիտական դասընթացները և ֆիզկուլտուրայից ընտրած մարզաձևը: Յուրաքանչյուր սովորողի համար կազմված է անհատական ուսումնական պլանը, որտեղ նշված են ըստ շաբաթվա օրերի նրա պարապմունքների ժամերը: Ընդհանուր հանրակրթության համար նշված են միայն դասընթացները, իսկ մասնագիտական պարապմունքների կամ նախամասնագիտակնա պատրաստության դասընթացների համար նաև պարապմունքի վայրը և դասավանդողը:

Գրասենյակի ղեկավարը մինչև օրվա վերջը յուրաքանչյուր բացակայության մասին լրացուցիչ տեղեկություն է ստանում ծնողից:  

Գևորգ Հակոբյան ([email protected])
Ավագ դպրոցի ղեկավար