Լիանա Հակոբյան

Խնդիր 5-րդ դասարանցիների և ավելի մեծերի համար

Վերցնենք շրջանագիծ և բաժանենք 12 հավասար մասերի: Շրջանագծի վրա ստացված կետերը համարակալենք այնպես, ինչպես ցույց է տրված նկ.1-ում:

Փորձենք 12 համարից սկսած՝ ժամացույցի սլաքի ուղղությամբ հաշվել հինգ կետ և այդ երկու կետերը միացնենք (տե´ս նկ.1):


Հաջորդ քայլում կրկնենք նախորդ գործողությունը , բայց այս անգամ սկսած 5-րդ գագաթից, կստանանք նկ. 2–ի պատկերը: Այս քայլերը շարունակենք այնքան մինչև կհասնենք առաջին քայլին (նկար 3):

Այժմ փորձենք կատարել խնդիրը, կետերը միացնելով ոչ թե հինգ-հինգ քայլերով, այլ 4-ական. այս դեպքում կստանանք նկ.4-ը: Ինչպես տեսնում ենք, շրջանագծի վրա մնացին կետեր, որոնք չմիացվեցին այլ կետերի: Այդպիսի կետերը համարենք ազատ կետեր:

Խնդիր: Շրջանագիծը քանի՞ մասի բաժանենք և ի՞նչ քայլերով միացնենք կետերը, որ շրջանագծի վրա ազատ կետեր չմնան:
                                                                                          
Դասավանդողներին, որոնք կկիրառեն այս խնդիրը, խնդրում ենք [email protected] կամ [email protected] էլեկտրոնային հասցեներով պատմել դասի ընթացքի մասին, իսկ սովորողներին խնդրում ենք նույն հասցեներով ուղարկել իրենց լուծումը՝ նկարագրելով լուծման ընթացքը: