Ես միշտ սովորող – դասավանդող եմ

Ապրում ենք մի ժամանակաշրջանում, ուր  անհնար է առօրյան պատկերացնել առանց տեխնիկայի: Արդեն կարող ենք ասել թվային տեխնիկան մեր կյանքի բաղկացուցիչ մասն է կազմում: Չենք կարող խուսափել դրանցից, քանի որ լավագույն արդյունքի հասնելու համար մեզ անհրաժեշտ է բազմազան ու որակյալ տեխնիկա: Ես էլ թվային տեխնիկայի «զոհերից» մեկն եմ: Դարձել եմ «գերին»:

 Նոր մեդիան, թվային տեխնիկայի աշխարհը մեծ հնարավորությունն է ընձեռում մարդուն իր գործն ավելի դյուրին դարձնելու, ավելի հասու դարձնելու և, ինչու չէ, նաև ավելի հաճելի դարձնելու: Մի քանի տարի առաջ մենք կզարմանայինք այն գործերի վրա, որոնք մարդը կարողացել է իրագործել տեխնիկայի շնորհիվ:

Ես շատ եմ օգտվում տեխնիկայից ( թվային ֆոտոխցիկ, տեսախցիկ, պրոեկտոր, համակարգիչ): Օգտվում եմ տարբեր ծրագրերից, որոնց մեծ մասն ինքնուրույն եմ գտնում, սովորում: Սիրում եմ ինքնուրույն – որոնողական աշխատանքը: Չեմ զլանում ընկերներիս էլ սովորեցնել: Նոր ծրագրերի իմացությունը մեծ հնարավորությունների դռներ է բացում իմ առջև, կարող եմ ասել նաև, որ աշխատանքս դառնում է հետաքրքիր ու բազմազան:

Բացի դպրոցի ու տեխնիկաների աշխարհից, ինձ համար գոյություն ունի նաև մի ուրիշ աշխարհ` թատրոն: Ես շատ սիրում ու հետաքրքրվում եմ արվեստի այս բանգավառով: Ինքս խաղում եմ ներկայացումներում, նաև մասնակցել եմ  «1 րոպե 1 կադր» փառատոնին:

Տարվա ընթացքում տարբեր ֆիլմեր եմ հավաքում Photostory, Windows Movie Maker, MC office PowerPoint  և,  իհարկե,  Adobe Premiere ծրագրերով:

Համոզված եմ մի քանի տարի հետո շատ ավելին պետք է իմանամ:

Լավագույն ցանկություններով`
Լուսինե Պետրոսյան Գ.