Գրականության դասընթաց քոլեջում սովորողների համար
(2 տարի` 136 դասաժամ)

Նպատակը

• համաշխարհային գրականության դասական ստեղծագործությունների միջոցով հնարավորություն տալ հաղորդակցվելու համամարդկային արժեքների հետ՝ ապրումակցման և անձնական խոհի միջոցով խորացնելով սեփական աշխարհընկալումն ու լայնացնելով աշխարհայացքը:
• խոսքի արվեստի միջոցով նպաստել գեղագիտական աշխարհընկալման ձևավորմանն ու զարգացմանը:
• զարգացնել գրական ճաշակ՝ նպաստելով ընդհանուր ճաշակի բարձրացմանը:
• օգտագործել ՏՀՏ-ն` որպես գրական-գեղարվեստական  բազմաբնույթ շտեմարանի   հետ շփման ամենամատչելի  և  արդյունավետ միջոց          

Խնդիրները

• գեղարվեստական ստեղծագործության ընթերցումը դարձնել ներքին պահանջմունք
• ստեղծագործությունների ընտրությունը կատարել հիմնականում դասական գրականությունից
• ընտրել այնպիսի ստեղծագործություններ, որ հասանելի լինեն ուսանողի մտքին և բավարարեն հոգևոր պահանջները
• ուսանողների միջոցով  հասկանալի դարձնել  հեղինակի ասելիքը` ստեղծագործության գաղափարը
• գրական վերլուծությունը կազմակերպել այնպես, որ արժևորվի ստեղծագործությունն իր արտահայտման ձևի մեջ՝ պատկերների, պատկերավորման միջոցների և արտահայտչության մյուս ձևերի միջոցով
• որպես ընթերցանության նյութ՝ օգտագործել նաև ինտերնետային համապատասխան կայքերը:

Կազմակերպումը

• Հարցերի և առաջադրանքների հիմնական մասն ուղղվում է բովանդակության ու ձևի քննարկմանը:
• Տրվում են գրականագիտական այնպիսի աշխատանքներ, որոնք զարգացնում են ստեղծագործությունը մանրամասնությունների, բառ-միավորի և պատկեր-միավորի մեջ տեսնելու և ընկալելու կարողությունը:
• ուսանողին հնարավորություն է տրվում անկաշկանդ ինքնարտահայտվելու, համադրելու և հակադրելու իր աշխարհայացքն ու մտորումները, զգացողություններն ու ընկալումները:
• Առաջարկվում են ինտերնետային գրական կայքեր` ըստ ուսանողի նախասիրության ընթերցելու և ներկայացնելու համար:

 
Մեթոդները

Գրական ստեղծագործությունների հետ աշխատանքը կազմակերպվում է այն մեթոդներով, որոնք ուսանողն հետագայում օգտագործելու է իր մանկավարժական գործունեության ընթացքում:
Կատարվում են և՛ անհատական, և՛ խմբային աշխատանքներ, աշխատանք սկզբնաղբյուրի հետ

 Քննարկվող գրական երկերը։ Յյուրաքանչյուր ստեղծագործության հետ նշվում է գրականագիտությունից ուսումնասիրվող թեման։

1. Վ. Սարոյան «Մարդկային կատակերգություն»

• Գրելաձև, մաներա
• Դրական և բացասական կերպարներ

2. Պոլ Վեռլեն «Աշնան երգ» (Ֆրանսիական պոեզիա)

• Ռիթմ

3. Վիլյամ Սարոյան «Իմ սիրտը լեռներում է»

• Դրամատուրգիա

Լրացուցիչ ընթերցանություն: Պատմվածք Վիլյամ Սարոյանի «Իմ անունը Արամ է» պատմվածաշարից

4. Շառլ Բոդլեր  «Ծեծենք աղքատներին» («Չարի ծաղիկները»)

• Ոճ

5. Շառլ Բոդլեր «Աբել և Կայեն» («Չարի ծաղիկները»)

• Ստեղծագործության գաղափար

Լրացուցիչ ընթերցանություն:  Շառլ Բոդլեր «Չարի ծաղիկները»

6. Շեքսպիր «Համլետ» (Երկեր)

• Դասական գրականություն

Լրացուցիչ ընթերցանություն:  Շեքսպիր «Ռոմեո և Ջուլիետ»

7. Ս. Էքզյուպերի «Փոքրիկ իշխան»

• Խորհրդանիշ
• Պատկերավորման միջոցոներ

8. Ս. Էքզյուպերի «Նամակ պատանդին» (Ֆրանսիական նովել 20-րդ դար)

• Սյուժե և ֆաբուլա

9. Ռիչարդ Բախ « Ջոնաթան Լիվինգստոն անունով ճայը» (Հինգ վիպակ)

• Վերջաբան
• Այլաբանություն

10. Շառլ Բոդլեր «Արբեք» (Ֆրանսիական պոեզիա)

• Հանգավորում
• Ռիթմ

11. Օ. Հենրի «Քանի դեռ սպասում է ավտոմեքենան» (19-րդ դ. ամերիկայան պատմվածք)

• Նովել

12. Օ. Հենրի «Գրոշանոց սիրահարը» (19-րդ դ. ամերիկայան պատմվածք)

• Ռոմանտիզմ և ռեալիզմ

13. Վ. Գոլդինգ «Ճանճերի տերը»

• Գագաթնակետ

14. Օ. Հենրի  «Հանուն արվեստի» (19-րդ դ. ամերիկայան պատմվածք)

• Սյուժե
• Բովանդակություն

15. Շառլ Բոդլեր – Օտարականը (Ֆրանսիական պոեզիա)

• Փոխաբերական իմաստ

16. Ժակ Պրևեր «Ավելի վատ» (Ֆրանսիական պոեզիա)

• Սպիտակ բանաստեղծություն

17. Օ. Հենրի  «Միգլս» (19-րդ դ. ամերիկայան պատմվածք)

• Կերպար: Կերպարի զարգացում

18. Գիյոմ Ապոլիներ «Ամստերդամցի նավաստին» (Ֆրանսիական նովել, 20-րդ դար)

• Սյուժե: Ֆաբուլա

19. Անդրե Ժիդ «Անառակ որդու վերադարձը» (Ֆրանսիական նովել, 20-րդ դար)

• Կոնֆլիկտ

20. Կոլետ «Ծպտված կինը» (Ֆրանսիական նովել, 20-րդ դար)
21. Ժյուլ Սյուպերվիել «Ծովածին աղջիկը» (Ֆրանսիական նովել, 20-րդ դար)
22. Պիեռ Գամառա «Բալերով տիկինը» (Ֆրանսիական նովել, 20-րդ դար)
23. Օ Հենրի «Մոգերի ընծաները» (Արտասահմանյան արձակ)

Առաջարկվող կայքեր` www.lib.ru, www.garun.am,  www.banber.am, www.school.edu.ru, www.1september.ru

Մարիետ Սիմոնյան