ԿՐԹԱԿԱՆ ՏԵԽՆՈԼՈԳԻԱՆԵՐԻ ԱԶԳԱՅԻՆ ԿԵՆՏՐՈՆ
              Պետական ոչ առևտրային կազմակերպություն
                            
 

N: 084/08
21.05.2008թ.

ՀՀ Կրթության և գիտության նախարարության
Երևանի «Մխիթար Սեբաստացի» կրթահամալիրի
տնօրեն պարոն Աշոտ Բլեյանին

Հարգելի պարոն Բլեյան,

մենք տեղյակ ենք, որ «Մխիթար Սեբաստացի» կրթահամալիրում հատուկ ուշադրության են արժանանում ուսումնական գործընթացում տեղեկատվական և հաղորդակցական (ՏՀ) ժամանակակից տեխնոլոգիաներն օգտագործելու և հայալեզու էլեկտրոնային ուսումնական նյութեր ստեղծելու հարցերը:

«Մխիթար Սեբաստացի» կրթահամալիրը Հայաստանի դպրոցների ինտերնետային ցանցում (ՀԴԻՑ) ընդգրկված այն դպրոցներից է, որը մեծ արդյունավետությամբ` ի օգուտ կրթության որակի է օգտագործում տրամադրված ինտերնետային կապը: Համալիրի http://www.mskh.am կայքը շահեկանորեն առանձնանում է Հայաստանի դպրոցների կայքերից` կրթական հարուստ պաշարներով և մշտապես թարմացվող բովանդակությամբ:

Մայիսի 5-10-ը «Մխիթար Սեբաստացի» կրթահամալիրում հաջողությամբ ընթացավ  Հեղինակային մանկավարժության հանրապետական 3-րդ բաց հավաքը, որտեղ ներկայացվեցին կրթօջախի դասավանդողների և սաների աշխատանքները: Մենք հետաքրքրքրությամբ մասնակցեցինք և մեր հնարավորությունների սահմաններում ապահովեցինք հավաքի տեղեկատվական աջակցությունը, «Կրթական համալիր էջ» պորտալում (http://www.armedu.am) տեղադրեցինք միջոցառման ընթացքը լուսաբանող նյութերը և լուսանկարները:

Գոհունակությամբ արձանագրում ենք ՏՀ տեխնոլոգիաների բնագավառում կրթահամալիրի ձեռքբերումները և ողջունում դրական փորձն ուրիշներին հաղորդելու ուղղությամբ կատարվող գործնական քայլերը:

Օգտվելով առիթից, խնդրում ենք մեր շնորհավորանքը փոխանցել «Իմացումի հրճվանք» մրցանակին արժանացած աշխարհագրության ուսուցչուհի Լիանա Ալիխանյանին ու ԿՏԱԿ-ի անունից շնորհակալություն հայտնել նրան` ՏՀ տեխնոլոգիաներն արդյունավետ օգտագործելու համար:

Հարգանքով`

Ա. Գրիգորյան
ԿՏԱԿ-ի  տնօրեն