"DPIR N:14"

Ուսումա-հասարակական (հանրօգուտ) գործունեությունն անհատի կամ խմբի` նյութական շահ չհետապնդող աշխատանքն է հանուն հասարակության կամ նրա որևէ հատվածի բարօրության, ազատությունների և իրավունքների պաշտպանության:

Ուսումնա-հասարակական գործունեության երեք կարևորագույն սկզբունքներն են`

1. ուսումնականությունը (կրթական ուղղվածությունը),
2. գործնականությունը,
3. շարունակականությունը:
Առաջին սկզբունքը նշված գործունեությունը դարձնում է կրթական համակարգի անկյունաքարը կամ միջուկը:
Երկրորդ սկզբունքը երաշխավորում է սովորողի մասնակցությունն անմիջական իրականության հիմնախնդիրների լուծմանը:
Երրորդ սկզբունքը կայուն հիմք է ապահովում սովորողների ինքնակրթության, հմտությունների և կարողությունների զարգացման, արժեքային դրական համակարգի կայունացման համար:
Վերոշարադրյալ մոտեցման դրսևորում է սույն թվականի փետրվարին իրականացված «Ընտրացուցակներ» նախագիծը, որի գլխավոր նպատակը քաղաքացիական հասարակության անդամի ձևավորումն էր, իսկ ածանցյալ նպատակներից մեկը`ընտրացուցակների ճշգրտումը: Նախագծի մասնակիցների ջանքերով ճշգրտվել են 9 ընտրատեղամասերի ընտրացուցակները: Իսկ ի՞նչ տվեց նախագծի իրականացումը հասարակությանը և իրենց: Այդ մասին կպատմեն մասնակիցներից մի քանիսը:
Որպես ամփոփում՝ տեղեկացնեմ, որ մեր սովորողների ուսումնա-հասարակական գործունեության հաջորդ քայլն իրականացվում է «Քաղաքացի» միջազգային նախագծի շրջանակում: Ես առաջարկել եմ «Աշակերտական ինքնավարությունների համադաշնություն», «Մոռացված հասցեներ», «Մալաթիա-Սեբաստիա. փողոցային կյանք» ենթանախագծերը: Եվ քանի որ այս ուղղությամբ կատարվող աշխատանքը այժմ քննարկման փոլում է, մենք այն անվանեցինք կես նախագիծ:

Ս Կ Ի Զ Բ

Ա Ր Խ Ի Վ

Խ Ո Ր Ա Գ Ի Ր