Կրթահամալիրի դասավանդողի և 5-11-րդ դասարանում սովորողի ամսական հաշվետվությունների լրացման և ներկայացման կարգ

Ուսումնական պլանի և ուսումնական ծրագրերի կատարողականն արտացոլվում է կրթահամալիրի դասավանդողների և 5-11-րդ դասարանի սովորողների ամսական հաշվետվությունների մեջ:

5-11-րդ դասարանի սովորողը կազմում է տվյալ ամսվա իր հաշվետվությունը, այն քննարկում է դասարանի ղեկավարի հետ, ներկայացնում է ծրագրի ղեկավարին և ծնողին: Վերջիններս ծանոթանում և անհրաժեշտության դեպքում նշումներ են անում (անհամաձայնություն, լրացում, բացատրություն, վերաբերմունք և այլն): Սովորողը մինչև հաջորդ ամսվա 5-ը իր հաշվետվությունն ուղարկում է [email protected] հասցեով: Ցանկալի է, որ հաշվետվությունը պարունակի նաև լուսանկարներ:

Կրթահամալիրի ուսուցողական ծրագրի դասավանդողը կազմում է տվյալ ամսվա իր հաշվետվությունը, դա քննարկում ուսուցողական ծրագրի, ուսումնական կենտրոնի ղեկավարների հետ և մինչև հաջորդ ամսվա 5-ը ուղարկում մասնագիտական զարգացման կենտրոն [email protected] էլեկտրոնային հասցեով: