Կրթահամալիրում տրվող ամենամյա մրցանակները

1.         «Տիգրան Հայրապետյան»

• կրթահամալիրում դասավանդողին` տարիների մանկավարժական ստեղծագործական աշխատանքի և այդ աշխատանքում շոշափելի արդյունքների հասնելու համար
• կրթահամալիրում սովորողին` հասարակագիտական և քաղաքացիական կրթության բնագավառում կատարած ստեղծագործական-հետազոտական աշխատանքի համար

Մրցանակը հանձնվում է Տիգրան Հայրապետյանի ծննդյան օրվան նվիրված հանդիսության ժամանակ:

2.         «Մխիթար Սեբաստացի»

• կրթահամալիրում դասավանդողին` հայագիտության, հայրենագիտության բնագավառում կատարած ստեղծագործական-հետազոտական աշխատանքի համար
• կրթահամալիրում սովորողին` հայագիտության, հայրենագիտության կրթության բնագավառում կատարած ստեղծագործական-հետազոտական աշխատանքի համար

Մրցանակը հանձնվում է սեպտեմբերի 5-ին:

3.         Իմացումի հրճվանք

• կրթահամալիրում դասավանդողին` դասագործընթացում ՏՀՏ-ների ամենօրյա գործածման նպատակով ստեղծած ուսումնական նյութերի փաթեթի համար
• կրթահամալիրում սովորողին՝ ՏՀՏ-ների ամենօրյա գործածման նպատակով ստեղծած նյութերի համար

Մրցանակը հանձնվում է հեղինակային մանկավարժության հեղինակների ստեղծագործական մայիսյան հավաքի ժամանակ:

4.         Հանուն տեխնիկական առաջընթացի

• կրթահամալիրում դասավանդողին` բնագիտության, տեխնիկայի, մաթեմատիկայի բնագավառում կատարած ստեղծագործական-հետազոտական աշխատանքի համար
• կրթահամալիրում սովորողին` բնագիտության, տեխնիկայի, մաթեմատիկայի բնագավառում կատարած ստեղծագործական-հետազոտական աշխատանքի համար

Մրցանակը հանձնվում է բնագիտական-տեխնիկական հունիսյան ստուգատեսի փակման արարողության ժամանակ:

5.         Մուտք մանկավարժություն

• այլ ոլորտից մանկավարժություն տեղափոխված դասավանդողին, որի մանկավարժական գործունեության արդյունքը նկատելի է:

Հանձնվում է Ուսուցչի օրվան նվիրված միջոցառման ժամանակ:

6.         Կրթություն բոլորի համար

• կրթահամալիրում դասավանդողին` սովորողների ինքնավարության ակումբների ստեղծման և  արդյունավետ կազմակերպման համար
• կրթահամալիրում սովորողին` սովորողների ինքնավարության ակումբների ստեղծման և  արդյունավետ կազմակերպման համար:

Մրցանակը հանձնվում է երեխաների պաշտպանության օրը՝ հունիսի 1-ին:
7.         Ծուղրուղու

• կրթահամալիրում աշխատող դաստիարակին՝ «Նախադպրոցական կրթություն հանրակրթական դպրոցում» ծրագրով հետազոտական-ստեղծագործական աշխատանքի համար

Մրցանակը հանձնվում է հեղինակային մանկավարժության հեղինակների ստեղծագործական մայիսյան հավաքի ժամանակ:

8.         «Սրտացավ տնտեսվար»

• կրթահամալիրում աշխատողին՝ հաստատության պահպանության և բարելավման խնայող, սրտացավ ու արդյունավետ գործունեության համար

Մրցանակը հանձնվում է օգոստոսի 25-ին:
9.         «Կրթասեր»

• կրթահամալիրում սովորողի ծնողին՝ սովորողի հետազոտական-ստեղծագործական աշխատանքի շարունակական խթանման համար:

Մրցանակը հանձնվում է «Վերջին զանգ» արարողության ժամանակ:

10.       «Հայրենասեր»

• կրթահամալիրում դասավանդողին` միջավայրի բարելավման նախագծի և դրա իրագործման համար
• կրթահամալիրում սովորողին` միջավայրի բարելավման նախագծի և դրա իրագործման համար: