Սոնա Ազարյան

Արդյունավետ օտար լեզու

Արդի ժամանակներում օտար լեզվի իմացությունը դիտվում է ոչ թե որպես նպատակ, այլ որպես միջոց, գործիք շփվելու տարբեր քաղաքակրթությունների կրողների հետ, իսկ զարգացող տեխնոլոգիաների հետ մեկտեղ անրհաժեշտություն է դառնում օտար լեզուների արդյունավետ տիրապետումը:

Ի տարբերություն այլ ավանդական դպրոցների, «Մխիթար Սեբաստացի» կրթահամալիրում այդ նպատակին են ծառայում ամենատարբեր մշակված ծրագրեր և միջոցառումներ:

Մեզ` նոր աշխատակիցներիս համար ի հայտ եկան ուսուցանելու նոր մոտեցումներ։ Այս կրթահամալիրում շեշտը դրվում է երեխայի` որպես անհատի, անկախ մտածողի զարգացման վրա: Մարդկային գործոնն է՛լ ավելի է տրամադրում դեպի կրթահամալիր` բարյացակամ, պատրաստակամ և բանիմաց աշխատակիցներ:

Արդյունավետ օտար լեզվին խթանում են`

• բանավոր խոսքի զարգացում.
• ՏՀՏ կիրառում. հարուստ էլեկտրոնային գրադարան, թվային ֆոտոխցիկն ու էլեկտրոնային գրատախտակն ավելի պատկերավոր և հետաքրքիր են դարձնում դասաժամը, մատչելի` ուսումնասիրվող նյութը.
• բազմաբնույթ և բազմաթեմատիկ գործունեություն. ամառային և ձմեռային բաց ուսումնահետազոտական ճամբարները հնարավորություն են տալիս երեխային ներկայացնելու իր ձեռքբերումները, ուսումնահասարակական աշխատանքները նպաստում են երեխայի մարդկային հատկանիշների ձևավորմանը` սեր կենդանիների հանդեպ, հարգանք մեծերի նկատմամբ, ինչպես նաև ուսումնահետազոտական աշխատանքները, որի ժամանակ լայնորեն կիրառվում են թվային տեխնոլոգիաները, մասնավորապես` ինտերնետը (զբաղվելով ինքնուրույն աշխատանքով երեխան հավելյալ գիտելիքներ և անկախ մտածելակերպ է ձեռք բերում).
• լրացուցիչ դասաժամերը խթանում են աշակերտների նախասիրությունների զարգացմանը , իսկ ֆիզկուլտուրան նախընտրած սպորտաձևով փողարինելը հետաքրքրություն են առաջացնում առարկայի հանդեպ.
• միջավայրի փոփոխության և ընտրության հնարավորությունը. ուսումնական միջավայրի փոփոխությունը` լաբորատորիա, ֆիլմադարան, համակարգչային սենյակ, գրադարան, ուսումնական ճամբորդություններ, բացօթյա դասաժամեր, այս ամենը զերծ են պահում միապաղաղությունից, իսկ ուսուցումը հիմնվում է գործունեության վրա.
• ուսուցանվող գրականության ընտրության հնարավորություն. ավանդական սերտման մեթոդն այստեղ այլևս անելիք չունի: Հավելյալ նյութերը` CD, DVD, ուսուցիչների համատեղ ուժերով ստեղծված համակարգչային ուսումնական նյութերն ու ՏՀՏ միջոցները, տարբեր մեթոդների կիրառումը ավելի ընկալելի և բազմաբովանդակ են դարձնում նյութը.
• ինտերգրված դասերի (օրինակ` օտար լեզու և աշխարհագրություն) միջոցով երեխան ձեռք է բերում գիտելիքներ միանգամից մի քանի բնագավառներից։

Ինքնակրթությունը, անընդհատ վերապատրաստումները, օտար լեզուների ուսուցիչների համագործակցությունը, երեքշաբթյա սեմինարները փորձի փոխանակման և մեր` նոր աշխատակիցներիս ձեռքբերումների լավագույն միջոց են: