Թադևոս Մարկոսյան

Way ծրագիր RoboLAB ծրագրային միջավայրում

Նպատակը` տեղադրում ենք ռոբոտին սպիտակի վրա, և նա պետք է գտնի ճանապարհը, պետք է շարժվի սև ճանապարհով: Քանի որ նա ունի ընդամենը մեկ տեսողական զգայարան, ապա ճանապարհից դուրս գալն անխուսափելի է: Խնդիրն այն է, որ դուրս գալուց հետո կարճ ժամանակում գտնի ճանապարհը և շարունակի շարժվելը: Քանի որ ձախ շարժվելու ժամանակ նա անընդհատ դուրս է գալիս աջ եզրը, իսկ աջ շարժվելու ժամանակ` ձախ եզրը, ծրագրով նախատեսված է, որ ռոբոտը փնտրի ճանապարհը այն կողմից, որ կողմից գտել էր ճանապարհը նախորդ անգամ:

Հիմա ես կպատմեմ այս ծրագրի մասին: Այս ծրագիրը գրված է RoboLab միջավայրում: Ծրագրի սկզբում փոփոխականների մեջ գրվում են անհրաժեշտ արժեքները, որոնք որոշում են սև ամենամեծ լուսավորվածությունը, սպիտակի ամենափոքր լուսավորվածությունը և փնտրելու առաջին ուղղությունը: Դրանից հետո միացվում են անիվների շարժիչները, և ռոբոտը գնում է առաջ: Սկսում է աշխատել հաջորդ ենթածրագիրը: Նա հերթը չի տալիս հաջորդ հրամանին, մինչև ռոբոտը չհանդիպի սևին: Ճանապարհին հանդիպելուց հետո սկսում է աշխատել անվերջ ցիկլը: Ցիկլի առաջին հրամանը White ենթածրագիրը: Նա հերթը չի տալիս հաջորդ հրամանին, մինչև չգտնի սպիտակին, այսինքն` մինչև չդուրս գա ճանապարհից: Դրանից հետո անիվների շարժիչները անջատվում են, և սկսվում է ճանապարհի որոնումը աջից կամ ձախից կախված next փոփոխականի արժեքից: Ուշ թե շուտ ռոբոտը կատարելով First_R կամ First_L ենթածրագիրը գտնում է ճանապարհը և գրում է next փոփոխականի մեջ, թե որ կողմից է գտել ճանապարհը: Դրանից հետո միանում են անիվների շարժիչները, և ցիկլը կրկնվում է, այսինքն ռոբոտը շարժվում է մինչև չկորցնի ճանապարհը, գտնում է ճանապարհը, շարունակում է շարժումը, և այդպես շարունակ:

Ներկայացնենք օգտագործվող ենթածրագրերից ամենահետաքրքիրը: Այդ ենթածրագրի անունն է «Սահմանափակ որոնում աջից»: Ռոբոտը ունի պտտման անկյան ներքին հաշվիչ: Զրոյացնում ենք այդ հաշվիչը և մտնում ենք ցիկլի մեջ: Այս ցիկլը ընդհատվում է, երբ արտադրվում է True ազդանշանը: Ցիկլի սկզբում ձախ անիվը պտտեցնում ենք 10 աստիճանով: Ստուգում ենք պայծառությունը և համեմատում ենք black փոփոխականի արժեքի հետ: Եթե ռոբոտը գտել է ճանապարհը, ապա գրանցում ենք logic1 փոփոխականում: Հաջորդ քայլում կարդում ենք ռոբոտի պտտման անկյան արժեքը: Եթե այն 30-ից ավելի է, կամ ռոբոտը գտել է ճանապարհը, ապա դուրս ենք գալիս ցիկլից: Հակառակ դեպքում ցիկլը կրկնվում է: Այսպիսով ցիկլից դուրս գալու պահին կա´մ ռոբոտը գտել է ճանապարհը, կա´մ չի գտել, բայց սպառվել է պտտման քանակի սահմանը: Բոլոր դեպքերում անջատվում է ձախ անիվի շարժիչը, և next փոփոխականի մեջ գրվում է true, եթե ռոբոտը գտել է ճանապարհը, և false` հակառակ դեպքում: