|
 |
ԴՊԻՐ 30 Հեղինակային մանկավարժության հեղինակների հանրապետական 5-րդ հավաք Հակոբ Հակոբյան, Թամար Սահակյան Հակոբ Հակոբյան «Համակարգիչը որպես չափիչ գործիք» Նաիրա Դալուզյան «Բնագիտությունը սկսվում է հետաքրքրությունից» Սոնա Թորոսյան «Ցանկացած դասապրոցես արդյունավետ է, եթե…» Նաիրա Նիկողոսյան Լուսինե Փաշայան Անահիտ Ավագյան Արուսյակ Վարդանյան Հայարփի Տոնոյան Լուսինե Սարգսյան Նունե Մովսիսյան Հասմիկ Ղազարյան, Մանուշակ Չորեկյան, Նանե Ասատրյան Աշոտ Տիգրանյան «Սովորողների ստեղծական ներուժի իրացման տեխնոլոգիա.տեսություն և պրակտիկա» Արթուր Բլեյան, Նաիրա Հարությունյան «Մեդիատեխնոլոգիաները Գանյան դպրոցում» Մարի Գաբանյան Լուսինե Մանուկյան Լուսինե Բուշ «Մեդիամիջոցներ և խոսակցական անգլերեն» Ստելլա Երիցյան Մերի Առաքելյան Ռուզաննա Պետրոսյան «Միջառարկայական կապերը որպես բնագիտական |
Նունե Մովսիսյան ՈՒՍՈՒՄՆԱԿԱՆ ՖԻԼՄԸ`ՈՒՍՈՒՑՄԱՆ ՆՈՐ ԵՎ ԱՐԴՅՈՒՆԱՎԵՏ ՄԻՋՈՑ Պարազիտիկ՝ ոչ ստեղծական, ոչ արտադրական (արտադրողական) ուսումնական աշխատանքից վերջնական և ամբողջական ձերբազատում. զարգացման ծրագրի ողջ ժամանակահատվածում կրթահամալիրի յուրաքանչյուր ուսուցչի (մասնագետի), սովորողի, կրթահամալիրի յուրաքանչյուր օղակի (ուսուցողական ծրագիր, ուսումնական կենտրոն, արհեստանոց, խումբ, ծառայություն, պարտադիր, սովորողի ընտրությամբ, լրացուցիչ դասընթաց) կողմից կրթական ամեն մի նախաձեռնության, ուսումնական ամբողջ աշխատանքի իրագործում հասարակական-անհատական կոնկրետ պահանջարկ ունեցող ծառայությունների և (կամ) ապրանքների տեսքով։ Կփորձեմ պատասխանել երկու հարցի. ինչո՞ւ է ուսումնական ֆիլմը ուսուցման արդյունավետ միջոց, և ինչպե՞ս է իրականացվում ֆիլմի ստեղծումը:
Ի վերջո, արտադրանք ստեղծելը փոխում է մարդու ուսումնական և ոչ ուսումնական կյանքը: Սովորողը դառնում է ինքնավստահ, կարողանում է ընտրություն կատարել, որոշումներ կայացնել, խնդիրներ առաջադրել ու լուծել, համագործակցել, ձեռք է բերում սովորել սովորեցնելու կարողություններ, ապրում ստեղծական կյանքով, մի խոսքով` սպառողից դառնում է արտադրող: Կարծում եմ` սրանք շատ կարևոր հատկանիշներ են` պետքական պետության կայացմանը: |
Յուրաքանչյուր նախագիծ սկսելուց առաջ նախ պարզում եմ սովորողի գիտելիքներն ու կարծիքը տվյալ նյութի մասին, իսկ վերջում լրացնում, ապա նաև զարգացնում հարցապնդումներով: Նախապես սովորողները ծանոթանում են աշխատանքի բոլոր փուլերին` թեմայի ընտրությունից մինչև ուսումնական ֆիլմի ցուցադրում: Նրանք ծանոթանում են նյութին, իրենց համար պարզում կատարվելիք առաջադրանքները, յուրաքանչյուր սովորող հստակեցնում է կոնկրետ իր անելիքը: Ամբողջ թեմատիկ շարքի իրականացման հաջողությունը պայմանավորված է այս փուլում սովորողների ոգևորությամբ և անհատական աշխատանքով: Այնուհետև սովորողները կարդում են, ծանոթանում, ապա` ընտրում իրենց դուր եկած, հոգեհարազատ գրական որևէ ստեղծագործություն: Ընտրության նախապայմաններից մեկը գրական ստեղծագործությունում պատկեր տեսնելն ու գտնելն է. պատկերի առկայության դեպքում հետագա գործողություններն ավելի արդյունավետ են դառնում: Գրական ստեղծագործության ընտրությունից հետո յուրաքանչյուրն սկսում է աշխատել` միաժամանակ ընդունելով ազատ, ինքնուրույն որոշումներ: Ինքն է ընտրում թեման կամ նյութը, իր աշխատանքային ընկերներին, աշխատանքի կատարման ժամանակահատվածը: Որպես առաջին փուլի մասնակից, միաժամանակ նաև համակարգող, նշում եմ այն աղբյուրները, որոնք կարող են օգտակար լինել սովորողներին և հստակեցնում աշխատանքային խմբին տրվող այն ժամանակամիջոցը, որը բավարար կլինի շոշափելի արդյունք ունենալու համար, բնականաբար, նախապես համաձայնության գալով սովորողների հետ: Իրենց կատարած աշխատանքների մասին սովորողները ներկայացնում են միջանկյալ հաշվետվություն: Այս փուլում անհատական աշխատանքները փոխարինվում են համագործակցային խմբային աշխատանքներով: Խմբերում նրանք ավելի արագ են աշխատում, քանի որ կա աշխատանքի հստակ բաժանում և ամեն մեկը գիտի իր անելիքը, բացի այդ, նրանք սիրով օգնում են միմյանց: Այնուհետև սկսում ենք քննարկումներ. ինչպես ենք պատկերացնում ֆիլմի նկարահանումը` տեղը, հագուստը, ձայնը, լուսային էֆեկտները, երաժշտությունը, խոսքը, քայլքը, շարժումը, ժեստը և այլն, և այլն: 
Եղել են դեպքեր, երբ ամեն ինչ պատրաստ լինելու դեպքում անգամ, նկարահանումների ժամանակ սցենարը մասամբ կամ նույնիսկ ամբողջովին փոխվել է: Ես ինքս կողմ եմ սովորողի հանկարծաստեղծական կարողությունների բացահայտմանը և սցենարից շեղումներ լինելու դեպքում չեմ ընդմիջում: