Հայարփի Տոնոյան

Տեխնոլոգիա. բույսերի և կենդանիների խնամք

Տեխնոլոգիա առարկան, որպես հանրակրթական առարկայի բաղկացուցիչ մասն մեծ նշանակություն և կիրառություն է գտել մեր կյանքում: Սովորողներ համար այս առարկայի նկատմամբ վերաբերմունքը երևում է նաև ընտրությամբ գործունեության ժամանակ: Ընտրությամբ գործունեությանը շաբաթական երկու ժամ մասնակցում են 2-4 –րդ դասարանցիների 11 հոգանոց խումբը, իսկ երեք ժամ` 5-6-րդ դասարանցիների 13 հոգանոց խումբը:

Բույսերի, կենդանիների, մարդկանց ուսումնասիրությունը, շրջակա միջավայրի բարելավումը հիացնում և նորանոր ողիներ է բացում սովորողների համար: Նրանք հեշտությամբ կարողանում են տարբերակել այն, ինչի մեջ կյանք կա` թռչուններին, ծաղիկներին և, իհարկե, իրենք իրենց:

Սովորողը այս ընթացքում ինքն էլ չի նկատում, թե ինքը ինպես դարձավ բնության մի մասնիկը:
Տեխնոլոգիա առարկայի շրջանակներում սովորողների հետ միասին տարբեր նախագծեր ենք իրականացնում և´ դպրոցի ներսում, և´ դպրոցի տարածքում:

Նախագծերի իրականացումը ոչ թե միջոցառում ենք դիտում, այլ կրթական ծրագիր, որը սովորողների մոտ զարգացնում է նոր հմտություններ ու արժեքային համակարգ:  Սովորողների հետ մեր աշխատանքային գործունեությունը սկսում ենք գործնականից (ծառ տնկել, խնամել, գործիքներով աշխատել, փորձեր անել) ու հանգում ենք եզրակացությունների սեփական փորձի արդյունքում:

Ներկայացնեմ այն նախագծերը, որոնք մենք իրականացնում ենք.

• Սոսյաց պուրակ
• Սենյակային  բույսերի հանրագիտարան, որոնք «ապրում են» են մեր դպրոց-պարտեզում: Այս բույսերի մեծ մասը այս ամիսների ընթացքում բազմացրել ենք լաբորատոր պայմաններում, սովորողները նվիրել են իրենց մայրիկներին, տատիկներին, ուսուցիչներին, քույրերին:
• Շրջակա միջավայր (հողի ազատագրում ասֆալտից)
• Բնագիտական փորձերի ժողովածու, 5-6-րդ դասարանցիների համար (տեսաֆիլմ)
• Ոսումնափորձնական հողամաս

Նախախծերի իրականացման արդյունքում արդեն ունենք սոսյաց պուրակ, որտեղ տնկվել է 60 սոսու տնկի, որի բացումը կլինի մայիսի 4-6 կազմակերպված հավաքի ժամանակ;
Այս մեկ ամսում արդեն 100 քառ. մ հողատարածք ազատագրել ենք ասֆալտից:
Այս երկու նախագծերը իրականցնում են ք տեխնոլոգիայի դասաժամերին:

• «Սենյակային  բույսերի հանրագիտարան, որոնք /ապրում են/ են մեր դպրոց-պարտեզում» նախագիծը իրականացնում ենք ընտրությամբ գործունեության ժամանակ, 5-6-րդ դասարանցիների հետ: Ամեն ամիս մեր դպրոցում ապրող բույսերի քանակը ավելանում է: Քանի որ մեր նոր բույսերը հիմանականում դրսից ներմուծված են, նրանց ճիշտ խնամաքի մասին մենք տեղեկություններ քաղում ենք ինտերնետից, թարգմանում, մուտքագրում, խմբագրում և տեղադրում կայքում: Մենք ինտերնետի միջոցով կապ ենք հաստատել նաև www. Gardenia. ru ծաղկի կայքի տնօրենի հետ, և մեզ անհրաժեշտ բույսերի մասին խնամքը հարցում ենք իրենցից, իսկ նրանք մեզ են տրամադրում ծաղիկների ճիշտ խնամքի վերաբերյալ տեղեկություններ:
• «Բնագիտական փորձերի ժողովածու, 5-6-րդ դասարանցիների համար» (տեսաֆիլմ) նախագիծը ևս իրականացնում ենք 5-6-րդ դասարանցիներ հետ` իրենց ընտրությամբ առարկայի ժամին: 61 դասարանի Վահեի հարազատները Անգլիայից մեզ երեք ամիսը մեկ անգլերեն լեզվով բնագիտական փորձերի նկարագրություն են ուղղարկում։ Մենք դրանք թարգմանում,մուտքագրում, փորձարկում և տեսաֆիլմի տեսքով ներկայացնում ենք մեր մյուս սովորողներին: Թարգմանությունների հարցում մեզ օգնում է նաև Վահեի մայրիկը:

• «Ոսումնափորձնական հողամաս» նախագիծը իրականցնում ենք 2-6-րդ դասարանցիների հետ և´ բնագիտության, և´ տեխնոլոգիայի, և´ ընտրությամբ առարկայի  ժամերին: Սկզբում հողն ենք փորում, փխրեցնում, ավելորդ քարերը հեռացնում: Նախատեսել ենք հողամասում տնկել` լոլիկի, պղպեղի սածիլներ, կարտոֆիլ, սոխ, լոբի և այլն:  

Նախագծերի իրականացման ժամանակ օգտագործում ենք տարբեր գործիքներ` թվային և ոչ թվային.

• Թվային ֆոտոխցիկ
• Համակարգիչ
• Էլեկտրոնային գրատախտակ
• Բահ
• Փոցխ
• Եղան
• Լինգ
• Սղոց
• Դույլ
• Պատգարակ
• Ծառի մկրատ
• և այլն: