Կարինե Մացակյան

«Գծագրություն» և «Համակարգչային գրաֆիկա» առարկաների
անհրաժեշտությունը

«Մխիթար Սեբաստացի» կրթահամալիրը, իրականացնելով այլընտրանքային կրթական ծրագիր, իր կազմում ունենալով Արհեստագործական և Գեղարվեստի խորացված ուսուցմամբ դպրոցներ և կրթական պրոցեսին ինտեգրված «Մեդիա» կենտրոն, ուշադրության կենտրոնում ունենալով սովորողին նախապատրաստելը ժամանակակից մասնագիտությունների յուրացմանը և տրադիցիոն մասնագիտություններում ժամանակակից տեխնոլոգիաների յուրացումը, դեռևս ցածր դասարաններից մեծ ուշադրություն է դարձնում սովորողին համակարգչային գրագիտություն տալուն:

Այս ամենի համար խթան է հանդիսացել համաշխարհային տեխնոլոգիաների արագ զարգացումը և այլ զարգացման գործիք հանդիսացող համակարգչի անընդհատ կատարելագործումը:Մյուս կողմից հասարակության անընդհատ աճող և արագ փոփոխվող էրգոնոմիկ պահանջները, որոնք արդեն վաղուց «ծնել են» այսօրվա մասնագիտությունը իր բազմաթիվ դրսևորումներով: Խոսքը «Դիզայնի» մասին է, որն արդեն ոչ թե անում են, այլ ուտում: Վերջին համեմատությունը դրա արդիականությունն ու կարևորվածությունը ընդգծելու համար չէ միայն: Ու վերջին հաշվով այն արդեն վաղուց է ներխուժել ոչ միայն մարդկանց կենցաղ, կյանք, անձնական հարաբերություններ, այլ նաև մի շատ մեծ վիրտուալ աշխարհ` INTERNET: Խոսքը WEB DESIGN-ի մասին է:

Այս պարագայում այսօրվա մարդուն` մեր սովորողին, չտալ դրա (դիզայնի) հիմունքները հանդիսացող հիմնական գիտելիքներ, առնվազն նշանակում է չտեսնել ապագան, էլ չեմ ասում այսօրվա մասին: Իսկ ավելի մեծ հաշվով` դիզայնն արդեն սերտաճել է  արվեստին, և նույնիսկ փորձված մասնագետը շատ դեպքերում հատուկ չի կարողանում դնել սահմաններ դիզայնի ու արվեստի:

Այս ամենը այսօր սկսվում է համակարգչային գրագիտություն տալուց, ճաշակ ձևավորելուց, շարունակվում է գծագրության հմտություններ դաստիարակելով, արվեստի պատմության դասավանդումով, համակարգչային գրաֆիկայի հետ ծանոթացնելով և սովորողի ու սովորեցնողի անընդհատ ինքնակատարելագործմամբ:

Երևան 2010թ.
 «Մխիթար Սեբաստացի» կրթահամալիրի www.mskh.am կայքին