|
 |
ԴՊԻՐ 30 Հեղինակային մանկավարժության հեղինակների հանրապետական 5-րդ հավաք Հակոբ Հակոբյան, Թամար Սահակյան Հակոբ Հակոբյան «Համակարգիչը որպես չափիչ գործիք» Նաիրա Դալուզյան «Բնագիտությունը սկսվում է հետաքրքրությունից» Սոնա Թորոսյան «Ցանկացած դասապրոցես արդյունավետ է, եթե…» Նաիրա Նիկողոսյան Լուսինե Փաշայան Անահիտ Ավագյան Արուսյակ Վարդանյան Հայարփի Տոնոյան Լուսինե Սարգսյան Նունե Մովսիսյան Հասմիկ Ղազարյան, Մանուշակ Չորեկյան, Նանե Ասատրյան Աշոտ Տիգրանյան «Սովորողների ստեղծական ներուժի իրացման տեխնոլոգիա.տեսություն և պրակտիկա» Արթուր Բլեյան, Նաիրա Հարությունյան «Մեդիատեխնոլոգիաները Գանյան դպրոցում» Մարի Գաբանյան Լուսինե Մանուկյան Լուսինե Բուշ «Մեդիամիջոցներ և խոսակցական անգլերեն» Ստելլա Երիցյան Մերի Առաքելյան Ռուզաննա Պետրոսյան «Միջառարկայական կապերը որպես բնագիտական |
Արթուր Բլեյան Մեդիակրթության դերը արհեստագործական դպրոցում 2009-2010 ուստարում արհեստագործական դպրոցում կազմավորվել է 6 դասարան` 135 սովորող: Տարբեր դպրոցներից արհեստագործականի 10-րդ դասարան են եկել 70 աշակերտ, որոնք չեն տիրապետում համակարգչին և ինտերակտիվ գրատախտակին: Դեռևս մեկ տարի առաջ արհեստագործական դպրոցում սովորել ցանկացողների թիվը այնքան էլ մեծ չէր: Այս ուսումնական տարում դպրոցը համալրվեց նոր համակարգիչներով, հեռուստացույցով, նոր ֆոտոխցիկով: Բնագիտության լաբորատորիայի համար բերվեց նոր գույք և սարքավորումներ: Այսօր մեդիակրթությունը խթանում է ուսումնական պրոցեսը: Արհեստագործական դպրոց ընդունվում են այն սովորողները, որոնք նախընտրում են մասնագիտությունը, արհեստը, ուստի նրանք չեն փայլում ուսման մեջ, փորձում են շրջանցել գրրքն ու տետրը: Հենց այստեղ է, որ կարևոր դեր է խաղում տեխնիկան: Հանրակրթական բոլոր առարկաները որոշակի դասաժամերի ուսուցանվում են ՏՀՏ-երի միջոցով: Անհրաժեշտ է դարձել տեսախցիկի և ֆոտոխցիկի գործածությունը: Այսօր յուրաքանչյուր սովորող պետք է ունենա մեդիա հմտություններ: Դրանք միջոցներ են սովորողի գործունեությունը ավելի հետաքրքիր և մատչելի դարձնելու: Երեխան նկարում է իր աշխատանքը, մասնագետի օգնությամբ շտկում, ապա վերջնական տեսքի բերելով` ներկայացնում է ցուցադրության: Կամ, ոսկերչությունն ընտրած սովորողը պետք է գիտելիքներ ունենա ֆիզիկայի, քիմիայի մասին: Նա հաճույքով ինտերնետից նյութեր է դուրս բերում, կարդում, ուսուցչի հետ քննարկում: Վերջերս ականատես եղա, թե սովորողներն ինտերակտիվ գրատախտակի վրա ինչպես էին աշխատում: Նրանք հետաքրքրությամբ գորտ էին հերձում` անվանելով բոլոր օրգանները: Կամ սովորողն իր կատարած աշխատանքը լուսանկարում է, մուտքագրում, անգամ պատմություն դարձնում, փորձում է թարգմանություններ անել: Արհեստագործական դպրոցի սովորողն այլևս չի փախչում սովորելուց: ՏՀՏ-երին տիրապետելն ու դրանցով աշխատելը սովորելը դարձնում են մատչելի: Այդպիսի աշխատանքները ուսուցողական են և կարևոր, քանի որ գործում է միջառարկայական կապը: Այս ուսումնական տարում ստեղծվել են բազմաթիվ նյութեր արհեստների վերաբերյալ, չարենցյան և թումանյանական օրերին նվիրված արվեցին բազմաթիվ տեսանյութեր, կենդանի ցուցադրություններ, գրական ներկայացում, որոնք ևս դարձան ուսումնական նյութ: Հետաքրքիր ուսումնական նյութ է պատրաստվել արհեստի և գրականության վերաբերյալ: Սովորողները ծանոթացան Աղայանի ստեղծագործությանը, անդրադարձան «Անահիտ» հեքիաթին, նկարեցին իրենց աշխատանքները, գրեցին ժողովրդական առածներ և ասացվածքներ արհեստի մասին, ու այն դարձավ ուսումնական նյութ: |