ՀՀ ԿԳ նախարարության Երևանի «Մխիթար Սեբաստացի» կրթահամալիր
Փորձարարական մանկավարժության ծրագրերի իրականացում հանրակրթությունում

2009թ. մայիսի 4-8-ը ՀՀ ԿԳՆ Երևանի «Մխիթար Սեբաստացի» կրթահամալիրում անցկացվում է հեղինակային մանկավարժության ծրագրերի հեղինակների հերթական՝ 4-րդ հանրապետական հավաքը: Հավաքը կազմակերպվում է կրթահամալիրում պետական ֆինանսավորմամբ իրականացվող «Փորձարարական մանկավարժության ծրագրերի իրականացում հանրակրթությունում» ծրագրի շրջանակում: Կրթահամալիրում իրականացվող պետական այլընտրանքային մանկավարժության հեղինակ դասավանդողները, սովորողները, ծնողները ներկայացնում են իրականացվող կրթական ծրագիրը՝ որպես սովորողների և սովորեցնողների համատեղ ուսումնա-հետազոտական աշխատանքի պայման և արդյունք: Հավաքի ծրագրում նախատեսված են նաև հանրապետության այլ ուսումնական հաստատությունների հետազոտող ուսուցիչների  զեկուցումները: Զեկուցումները նախօրոք հրապարակվում են «Դպիր» էլեկտրոնային ամսագրում, հավաքի ժամանակ ներկայացվում են ՏՀՏ-ների կիրառմամբ: Հավաքի օրերին ցուցադրվում են կրթահամալիրում 2008-2009 թթ ստեղծված ֆիլմերը, էլեկտրոնային ուսումնական նյութերը, ուսումնառության արդյունքում ստեղծված պիտույքները և հրատարակչատան արդյունքները, ներկայանում են կրթահամալիրի ստեղծագործական խմբերը: Կրթահամալիրի մրցանակային հանձնաժողովը որոշում է «Իմացումի հրճվանք», «Ծուղրուղու» 2009թ. մրցանակակիրներին:

Աշխատակարգ

12.00 – 12.45 – բաց պարապմունքներ կրթահամալիրի դպրոցներում՝

• մայիսի 4-ին՝ Բ-4 թ. դպրոց-պարտեզում
  մայիսի 5-ին՝ Նոր դպրոցում
  մայիսի 6-ին՝ Գեղարվեստի վարժարանում
  մայիսի 7-ին՝ Արհեստագործական ավագ դպրոցում
  մայիսի 8-ին՝ Միջին դպրոցում

13.00 – 14.00 - աշխատանքային նիստ
14.00 – 14.30 - ճաշի ընդմիջում
14.30 – 15.00 – Ցուցադրություններ՝

• մայիսի 4-ին՝ Հայրենագիտական ֆիլմ «Գորիսում»
  Ժամանակակից կյանքը և ավանդույթները (ղեկավարներ՝ Հասմիկ Նալբանդյան, Կարինե Աղամյան)
  Դպրոցական երգչախմբերի ելույթը (ղեկավարներ՝ Գոհար Հարությունյան, Մարինե Մկրտչյան, Սոֆյա Գրիգորյան, Տաթև Ստեփանյան, Մերի Առաքելյան).
  Կոմիտաս, Ազգային օրհներգ (դասավանդողների երգչախումբ)
  Կոմիտաս «Քրիստոս ի մեջ...» (միացյալ երգչախումբ)
  Կոմիտաս «Զար, զընգը... (միացյալ երգչախումբ)
  Կոմիտասի երգերի շարան «Անձրևն եկավ», «Սոնա յար», «Հոյ, Նազան» (երաժշտության դպրոցի երգչախումբ)
  Ժողովրդական երգերի շարան «Զուլո», «Զնկլիկ, օրոճ եմ շարել», «Յալալի, Տերն հարություն է առել» (միացյալ երգչախումբ)
  մայիսի 5-ին՝ Օտար լեզուներով ուսումնական նյութեր. «Սարդերը», «Զբոսանք Լոնդոնում»,  «Քանի դեռ մեր աչքերը փակ են», Մուլտ-թարգմանություններ, «Կենդանիներ», «Մոլորակի օրը»
  Գրական թատրոն «Պապն ու շաղգամը»  (5-րդ դասարան, ղեկավար՝ Էստա Սիմոնյան), Շեքսպիր (9-րդ դասարան, ղեկավար՝ Յուրա Գանջալյան)
  մայիսի 6-ին՝ Կինոպոեզիա (1-ին, 2-րդ մաս)
  Ծամածռիկների թատրոն (ղեկավար՝ Լուսինե Պետրոսյան)
  մայիսի 7-ին՝ Հունվարյան ստուգատեսների մասին ֆիլմը, էլեկտրոնային բացիկների շնորհանդես
  Մարմնամարզական խմբերի ելույթը (ղեկավար՝ Ռուզան Խաչատրյան, Ռոզա Գսպոյան, Սուսան Տեր-Սահակյան, Արփինե Հովհաննիսյան), Նոր ոճ (ղեկավար՝ Շողիկ Պողոսյան)
  մայիսի 8-ին՝ «Իմացումի հրճվանք» և «Ծուղրուղու» մրցանակակիրների աշխատանքները
  Պար-ոճ-մնջախաղ (ղեկավար՝ Սոֆյա Գրիգորյան, Տաթև Ստեփանյան, Մերի Առաքելյան, Մարինե Մկրտչյան)

15.00 – 16.00 – աշխատանքային նիստ
16.00 – 16.00 – հեղինակային այլ ծրագրեր
16.00 - 16.30 - ամփոփում (այդ թվում՝ «Օրվա խրոնիկա» ֆոտոֆիլմը, որ ներկայացնում են բաց պարապմունքների մասնակից լրագրողները, կինո-ֆոտոդպրոցի սաները համատեղ)

Հավաքի ծրագիրը`  
մայիսի 4` Հայրենագիտական և ուսումնական ճամփորդություններ, ուսումնական-հասարակական նախագծեր
մայիսի 5` Արդյունավետ օտար լեզու ՏՀՏ կիրառմամբ
մայիսի 6 `Արտակարգ  ունակությամբ և հատուկ պայմանների կարիքով սովորողների ներառում հանրակրթությունում
մայիսի 7` Նախամասնագիտական և մասնագիտական ուսուցման ավագ դպրոց
մայիսի 8` Հեռավար ուսուցում, հեղինակային մանկավարժության արդյունքներ. հավաքից հավաք

Հավաքի անցկացման վայրը`  կրթահամալիրի Մեդիա-մշակութային կենտրոն (հասցե` Րաֆֆի 57, հեռ.` 749201)։