Վովա Թովմասյան
Աննման Գևորգյան                                                  
Արհեստագործական դպրոց, 11-րդ դասարան

Ուսումնական ճամփորդությունները որպես ուսումնահասարակական նախագիծ

Ուսումնական ճամփորդությունները առարկայական ծրագրի բաղկացուցիչներն են: Սովորողները  ղեկավարի հետ նախագծում են ճամփորդության ուղղությունը, նպատակը, քննարկումներ են անում, որին մասնակցում են նաև ծնողներ: 

Բոլոր սովորողները մասնակցում են ուսումնական ճամփորդություններին, հայրենիքը ճանաչելու, նրա խնդիրների բացահայտման աշխատանքներին: Սովորողը պետք է  ծանոթ լինի  հայրենի բնությանը, իմանա բնապահպանական խնդիրները, լինի բնության և շրջակա միջավայրի պաշտպան:

Ճամփորդությունները տարբեր վայրեր եղել են ուսումնական: Այսպես, օրինակ`ճամփորդությունը Խոր Վիրապ` հայոց պատմությունն ավելի լավ ընկալելու նպատակով էր:
Ճամփորդությունը Արզնի` ծանոթություն էր էկոլոգիական խնդիրներին, նաև առողջարանային համալիրների կազմակերպման ձևերին:
Աղվերան` ծանոթություն հանքային տաք ջրերին, գունավոր աղային նստվածքներին, նրանց առաջացմանը:
Տուն-թանգարաններում լինելը կարևոր է ավելի մոտիկից ճանաչելու արվեստագետին, գրողին, իմանալու և  նրա անցած ուղին:
Աշտարակ` դիտելու և իմանալու հայկական եկեղեցիների պատմությունը:
«Կենաց տուն»` զատկական ծեսի հետ կապված՝ ծանոթանալու ագային-ծիսական մշակույթին:
Բուսաբանական այգի` ճանաչելու հազվագյուտ բույսերն ու ծառերը և այլն:

Յուրաքանչյուր ճամփորդությունից հետո գրում ենք մեր ճամփորդության ընթացքի մասին, պատմում ենք մեզ հետաքրքրող մանրամասներն ու քննարկումներ ենք անցկացնում: Լինում են նաև զավեշտական դեպքեր, որոնց մասին նույնպես չենք լռում: Այս բոլորը տեղ են գտնում մեր կայքի կամ «Պարմանի» թերթի էջերում:

2008-2009 ուսումնական տարում մեր կատարած ուսումնական ճամփորդությունները.

• Խոր Վիրապ
• Այցելություն Աբովյանի մանկատան երեխաներին
• Արզնի
• Կենտրոնական բանկ
• «Էրեբունի» թանգարան
• Էկզոտարիում
• Հովհ. Թումանյանի տուն-թանգարան
• Հովհ. Շիրազի հուշարձան
• Այց Եղ. Չարենցի հուշարձան
• Կենաց տուն
• Բուսաբանական այգի
• Աշտարակ քաղաքի եկեղեցիներ
•  Աղվերանի «Տաք» ջրեր
• Բյուրականի աստղադիրան
• Սեյսմիկ պաշտպանության ազգային ծառայություն