"DPIR N:21"

Ուսումնա-հասարակական նախագիծն ուսումնական նյութի շրջանակներում հասարակայնորեն շահավետ գործունեությունն է ուսումնառության ընթացքում և հասարակական շփումներում ձեռք բերած կարողությունների ու ձևավորվող արժեքային համակարգի հենքի վրա սովորող-դասավանդող համագործակցությամբ:

Այսպիսի խմբային աշխատանքը սոցիալական համերաշխության մանրակերտն է, որն իրական կյանքում արդյունավետության ամենաբարձր մակարդակն է հասարակական համակեցության բոլոր ոլորտներում:

Անհատական և խմբային աշխատանքների ներդաշնակ զուգակցումը սոցիալական համագործակցության ու անհատականության կենսագործվող ներուժի արդյունավետ օգտագործման գրավականն է, իսկ անհատական որոշումների ուժեղ կողմերի ներառումը խմբային որոշման համակարգում ուժեղացնում է որոշման գործնականությունը և ապահովում նախագծի հասարակայնացման բարձր օ.գ.գ.:

Ուսումնառության այս բաղկացուցիչ-գործիքն ունի համապարփակ կիրառում. ոչ մի առարկայախումբ հակացուցված չէ:

Որպես հասարակական գիտությունների մասնագետ՝ կներկայացնեմ «Ընտրությունները և ես» նախագիծը՝ իրականության մյուս ոլորտներն ընդգրկող նախագծերի կենսունակության հիմնավորումը թողնելով իմ գործընկերներին:

Ընտրության իրավունքը Արարչի մեծագույն շնորհն է մարդ արարածին:
Ընտրության իրավունքի մասնակի դեպքը դիրքորոշման ընտրությունն է:
Քաղաքացիական դիրքորոշումը պետության հզորության հիմքն է:
Սովորողի քաղաքացիական դիրքորոշումը պետության ապագան է:

Ներկայացված տրամաբանական շղթան ծնեց «Ընտրությունները և ես» նախագիծը, որի մասնակիցները կարևորեցին Երևանի ավագանու ընտրությունները և, ի տարբերություն մեծահասակների, նրանց առաջին քայլը իրավական դաշտի ուսումնասիրությունն էր, յուրացումը և հասակակիցներին ներկայացումը: Երկրորդ քայլը սոցիալական հարցումն էր Երևանի բնակիչների մասնակցության աստիճանը պարզելու համար: Երրորդ քայլն ընտրական ցուցակների ստուգումն է, որը մեկնարկել է ապրիլի 28-ին:

Ուրիշ կերպ ուսուցանել «Ժողովրդավարություն» թեման համարժեք է պատերազմող Հայրենիքից հեռու հայրենասիրական երգեր երգելուն:

Ս Կ Ի Զ Բ

Ա Ր Խ Ի Վ

Խ Ո Ր Ա Գ Ի Ր