Աստվածատրյան Էրիկ

Ինտելեկտուալ ակումբի գործունեությունը

2008 թվականի հոկտեմբերի 24-ին Մալաթիա Սեբաստիա համայնքում արդեն երրորդ անգամ տեղի ունեցավ համադպրոցական ինտելեկտուալ փաառատոն, որտեղ մասնակցում էին համայնքի քսան դպրոցներ: Մեր դպրոցը նախկինում չուներ ինտելեկտուալների ակումբ և հարկ եղավ հավաքագրել ավագ դպրոցի ընդունակ աշակերտների ութ հոգուց բաղկացած թիմ: Թիմի ավագ և պատասխանատու նշանակվեցի ես` Էրիկ Աստվածատրյանը:

• Մելիք-Քարամյան Աստղիկ,
• Մինասյան Սոնա,
• Կարապետյան Աիդա,
• Հայրյան Նարեկ,
• Մարկոսյան Սարգիս,
• Խլղաթյան Շանթ:

Այս աշակերտներն էին, որ առաջինը ցանկացան մասնակցել ինտելեկտուալ փառատոնին, ներկայացնելով դպրոցը բարձր պահել վերջինիս անունը համայնքում և էլ ավելի լայնացնել սեբական ինտելեկտուալ հորիզոնը: Այսպիսով 24/10/2008 կարելի է համարել ինտելեկտուալ ակումբի ծնունդը:

Միասին հավաքվեցինք նշված օրը, նախապես աչքի տակ անցկացնելով դպրոցական բոլոր դասագրքերը, մտածելով, որ եթե համադպրոցական փառատոն է, ուրեմն հարցերն էլ կլինեն դասագրքային: Բայց ի զարմանս մեզ, տրված 30  հարցերից և ոչ մեկը դասագրքային չէր: Մնացած բոլոր տասնինը թիմերը նույնպես շատ ուժեղ էին, և իսկապես շատ դժվար էր մրցելը: Փառատոնը կազմված էր երեք փուլերից, և եզրափակիչում մենք մրցում էինք թիվ 190 դպրոցի հետ, որը նախորդ երկու տարիների հաղթողն էր: Երեք փուլերից էլ մենք դուրս եկանք առաջատարի կարգավիճակով, գրավելով պատվավոր առաջին տեղը, և ևս մեկ ապացուցեցինք, որ մեր դպրոցն ուրիշ է (իհարկե, լավ իմաստով):

Մեր ակումբի հետագա փորձությունը` Երևանյան առաջնությունն էր: Երևանյան փուլում մասնակցում էին Երևանի բոլոր համայնքների հաղթող թիմերը: Ակումբի հաջողություններից ոգևորված, մեզ միացան նոր ինտելեկտուալներ: Ցավոք, երևանյան փուլի արդյունքներից գոնե մենք գոհ չմնացինք: Բայց ինչպես մնացած բոլոր խաղերում, այստեղ էլ պարտվողներ չեն լինում: Այս մեկում չհաղթեցինք, մյուսում կհաղթենք: