Գրիգոր Խաչատրյան
հրատարակչատան տնօրեն

«Մխիթար Սեբաստացի» կրթահամալիրը հրատարակչական մեծ փորձ է ունեցել:
Դրանով զբաղվողներն այսօր էլ կրթահամալիրում են, նրանք հեղինակել են բազմաթիվ դասագրքեր, գրքեր, բրոշյուրներ, ամսագրեր, օրացույցներ, բուկլետներ:

Հրատարակչատունն այսօր խնդիր ունի կրթահամալիրին հրատարակչական ծառայություններ մատուցելուց զատ այդ պրոցեսին մասնակից դարձնելու նաև սովորողներին: Այսօր սովորողները ավելի ու ավելի հմտանալով համակարգչային ծրագրերին պատրաստում են բացիկներ, էլեկտրոնային ամսագրեր:

Կարծում եմ, որ հրատարակչատան գործունեության հիմնական մասը պետք է կազմի մի շարք կարևոր գրքերի՝ ժամանակի պահանջներին համապատասխան գեղարվեստական և որակական տպագրություն ունենալը:

Մենք այսօր սկսում ենք նախապատրաստական աշխատանքները Լյուիս Քերոլի «Ալիսը հրաշքների աշխարհում» գրքի, որը կլինի այդ շարքում առաջինը, ուր ձևավորման մեջ կօգտագործվեն կրթահամալիրի սովորողների աշխատանքները: Ինչու հատկապես այս գիրքը, որովհետև ես չեմ տեսել այդ գրքի որևէ  չափով համապատասխան հրատարակչական վերաբերմունք, ո՛չ դրսում, առավել ևս մեզ մոտ: Մենք հավակնում ենք այդ գրքի, ըստ իս, լավագույն հրատարակությանը, որի վրա աշխատանքները կտևեն մեկ և ավելի տարի: Այս մոտեցումով մենք ցույց կտանք մեր վերաբերմունքը որոշ նմանօրինակ գրքերի նկատմամբ, որի նպատակն է գիրքը
ընթերցողին առավել մոտեցնելը այսօր, երբ բոլորը բողոքում ոչ ընթեցասեր հասարակությունից: