Արթուր Տեր-Սահակյանց

Ավելին քան աշխատանք

Ես Արթուր Տեր-Սահակյանցն եմ, քսանյոթ տարեկան եմ, երևանցի եմ, ավարտել եմ Կույրերի երեկոյան միջնակարգ դպրոցը: 2007 թվականից ապրում եմ «Մխիթար Սեբաստացի» կրթահամալիրում:

Ավարտել էի դպրոցը, հաճախում էի տարբեր հասարակական կազմակերպություններ, մասնակցում էի տարբեր միջոցառումների: Փնտրում էի այնպիսի զբաղմունք, որը և՛ հետաքրքի կլիներ ինձ, և՛ կկարողանայի գումար վաստակել, ինչը շատ կարևոր է մարու կայացման, ինքնահաստատման համար:

Միջոցառումներց մեկի ժամանակ պատահական հանդիպեցի ընկերոջս` Վարդան Խաչատրյանին, ով ավարտել է «Մխիթար Սեբաստացի» կրթահամալիրը: Քայլում էինք ու զրուցում: Քանի որ վերջին ժամանակներում միակ մտահոգությունս հետաքրքիր և օգտակար զբաղմունքն գտնելն էր, խոսակցությունը ինքնաբերաբար գնաց հենց այդ թեմայով: Պայմանավորվեցինք և երկու օր անց մասին եկանք կրթահամալիր: Հանդիպեցինք պարոն Բլեյանին, խոսեցինք և ես ընտրեցի հեռուստաօպերատրի և հեռուստամոնտաժողի մասնագիտությունը:

Նոր ընկերներ, նոր միջավայր, ամեն ինչ շատ հետաքրքիր էր, օրերը` հագեցած: Արդեն մեկ տարի էր անել, ինչ ես սովորում էի կրթահմալիրում: Մտածում էի՝ իսկ ինչ պիտի անեմ հետո: Կապվել էի դասավանդողներս, ընկերներիս հետ:

Երկար մտածեցի… Վերջ, որոշել եմ, հենց վաղն էլ կգնամ պարոն Աշոտ Բլեյանից խորհուրդ հարցնելու: Նա իրեն բնորոշ մեծահոգությամբ լսեց ինձ… 2008 թվականի հունիս ամսից անցա աշխատանքի: Սպասարկում եմ երեխայի զարգացման ծառայությունների ենթակայքը, որը պատրաստել եմ ինքս: Իրենց փոխանցած հմտություններով օգնել են դասավանդողներս, ովքեր իմ ընկեր-գործընկերներն են: Շատ հետաքրքիր և, իմ կարծիքով, օգտակար գործ եմ անում: Ենթակայքում կա մի այսպիսի բաժին` «Փնտրում եմ աշխատանք» պայմանական անունով: Հավաքում եմ ընկերներիս, ծանոթներիս անձնական տվյալները, ներկայանալի ձևի եմ բերում և տեղադրում կայքում: Ուզում եմ օգնած լինել նրանց իրենց կարողությունների համապատասխան որևէ աշխատանք գտնելու: Հուսով եմ՝ կստացվի, քանի որ ես հավատում եմ իմ կատարած գործին:

Աշխատանքս համատեղում եմ ուսմանս հետ, ավարտում եմ այս տարի: Օրվա մեծ մասը անց եմ կացնում կրթահամալիրում, գնում եմ բուժական ֆիզկուլտուրայի պարապմունքների, մասնակցում եմ կրթահամալիրի գրեթե բոլոր միջոցառումներին, երբեք չեմ բացակայում 13.00-ի ընդմիջումներից, որտեղ հարմար առիթ է լինում աշխատանքից դուրս շփվելու գործընկերներիս հետ:

Հիմա պարզ է, չէ՞, թե ինչու ասացի՝ ապրում եմ կրթահամալիրում…