Մանկավարժական համալրումը կրթահամալիրում

Մանկավարժական համալրումը կրթահամալիրում կատարվում է ըստ կարգի: Թափուր պաշտոնի համար հայտարավում է բաց մրցույթ, կրթահամալիրի տնօրենի հրամանով կազմվում է մրցութային հանձնաժողով, որը անցկացնում է մրցույթը: 2008-2009 թթ կրթահամալիրում հայտարարվել է մասնագետի 23 մրցույթ՝

1. համակարգչի և թվային այլ միջոցների տեխնիկական սպասարկման (նորոգման) մասնագետ-դասավանդողի
2. ռադիոտեխնիկ-դասավանդողի
3. ուսումնական կենտրոնի ղեկավարների
4. լողի մարզչի
5. օտար լեզուների, համակագչային ծրագրերի խորացված ուսուցման դպրոցին նախապատաստական դասարանի դասվարների
6. օտար լեզուների, համակագչային ծրագրերի խորացված ուսուցման 1-6-րդ դասարանում անգլերեն դասավանդողների
7. երաժշտության ուսուցչի
8. ավագ դպրոցում մաթեմատիկա դասավանդողի
9. ուսումնա-հասարակական նախագծեր ղեկավարողի
10. 7-9-րդ դասարանում «Տեխնոլոգիա» դասավանդողների
11. կրտսեր դպրոցում մարմնամարզություն դասավանդողի
12. պատմություն և հասարակագիտություն դասավանդողի
13. ավագ դպրոցի ՏՀՏ մասնագետի
14. ավագ դպրոցում ֆրանսերեն, գերմաներեն, իսպաներեն դասավանդողների
15. օտար լեզուների, համակագչային ծրագրերի խորացված ուսուցման դպրոցին առաջին  դասարանի դասվարների
16. 7-րդ և 10-րդ դասարաններում ուսումնական պլաններով նախատեսված բոլոր (այդ թվում՝ սովորողի ընտրությամբ) դասընթացների դասավանդողների
17. հոգեբանի
18. ուսուցողական ծրագրի գրասենյակի ղեկավարի:

Մրցույթի մասին հայտարարությունները ըստ կարգի տեղադրվել են կրթահամալիրի կայքում, ԿԳՆ կրթական պորտալում, «Հայկական ժամանակ» թերթում: Դրանց մասին տեղեկացել են աշխատանքի տեղավորման գործակալություններ և տեղեկացրել իրենց մոտ գրանցված մասնագետներին:

Բոլոր մրցույթների ժամանակ մասնակիցներին առաջադրվող ընդհանուր պահանջներ են հետազոտական աշխատանքի հմտությունները, համակագչային ծրագրերի իմացությունը, էլեկտրոնային փոստի, համացանցի գործածումը. պահանջները բխում են դասավանդողի պաշտոնական հրահանգից: Մրցույթներն անց են կացվել հանձնաժողովի ներկայացրած և տնօրենի հաստատած աշխատակարգով, կարգով որոշված փուլերով: Դիմորդներին տրվել են ոչ միայն առարկայական գիտելիքներ և կարողություններ ստուգող առաջադրանքներ, այլ նաև հետազոտական փոքր աշխատանք: Մրցույթների անցկացման մեր փորձի հիման վրա մրցույթների ընթացակարգը լրամշակել է, հստակվել են մասնագետի նկատմամբ պահանջները, նրան տրվող առաջադրանքները, արդյունքների ամփոփման ձևերը:

Մրցութային հանձնաժողովների նիստերը բաց են եղել: Մրցույթից հետո հանձնաժողովը ամփոփել է արդյունքները, եզրակացությունը հանձնաժողովի բոլոր անդամների ստորագրությամբ տվել է տնօրենին: Մրցույթների արդյունքները հրապարակվել են կրթահամալիրի կայքում, տնօրենը ներկայացրել է կրթահամալիրի խորհրդին, կրթահամալիրի աշխատողների ընդհանուր ժողովին:
Մրցույթներին մասնակցել են ինչպես կրթահամալիրում աշխատող, այնպես էլ այստեղ աշխատանք փնտրող մասնագետները: Մրցույթի արդյունքներով 2008թ մայիսից մինչ օրս նոր ծրագրով աշխատանքի են երաշխավորվել կրթահամալիրի 19 դասավանդողներ, և 18 մարդու հետ կնքվել է աշխատանքային նոր պայմանագիր: