Լուսինե Բուշ

Օտար լեզվի և համակարգչային ծրագրերի խորացված ուսուցում

 «Մխիթար Սեբաստացի» կրթահամալիրն իրականացնում է օտար լեզվի և համակարգչային ծրագրերի խորացված ուսուցում 1-ին դասարանից: Մեր վերջին տարիների փորձը ամփոփելով՝ նախաձեռնեցինք անգլերենի ուսուցման համար ուսումնական նյութերի փաթեթ ստեղծել՝  հաշվի առնելով կրթահամալիրում օտար լեզուների ուսուցման մոտեցումները:

1. 1-4-րդ դասարաններում օտար լեզվի և համակարգչի ուսուցումը ներառված է «Իմացումի հրճվանք» ծրագրում:
2. Օտար լեզվի դասընթացները կազմակերպվում են ամենօրյա ռեժիմով: I և II դասարաններում օտար լեզուն անցկացվում է 20 րոպեանոց դասերի միջոցով, III և IV դասարաններում` օրական մեկ դասաժամով: I և II դասարանների ծրագիրն է բանավոր խոսքի զարգացումը, երեխայի մոտ օտար լեզվով շփվելու (կոմունիկատիվ) հմտությունների ձևավորումը:
3. Յուրաքանչյուր դասարանի համար ծրագիրը նախատեսում է համապատասխան թեմատիկ բառապաշար, որը հարմարեցված է այդ տարիքի երեխաների ընկալման համար: Տառուսուցումը ամփոփվում է  է 2-րդ դասարանի ավարտին և ճանաչողական (վիզուալ) բնույթ է կրում: III և IV դասարաններում զուգահեռ զարգանում են բանավոր և գրավոր խոսքը, սովորողները ծանոթանում են քերականական, ուղղագրական, արտասանական գիտելիքի տարրերին:
4. Կրտսեր դպրոցում մեծապես կարևորվում է խաղային մեթոդների կիրառումը դասավանդման ընթացքում: Խաղերի միջոցով կրկնվում է անցած բառապաշարը, ամրապնդվում նորը: Զարգանում է երեխաների ուշադրությունը, հետաքրքրությունը:
5. Դասերն անցկացվում են ոչ միայն դասարաններում, այլ կարող են լինել բացօթյա. անցկացվում են դպրոցի լաբորատորիաներում (խոհանոցում), ինչպես նաև կատարվում են թեմատիկ ուսճամփորդություններ:
6. Ամենօրյա օտար լեզվի ուսուցումն արդյունավետ դարձնելու համար գործածվում են տարբեր համակարգչային ծրագրերով ստեղծված ուսումնական նյութեր, ինչպես նաև տարբեր ՏՀՏ միջոցներ.

• Համակարգիչ ( և կից սարքեր՝ տպիչ, սկաներ)
• Ինտերնետում on-line դասընթացներ վարելու համար  (www.tolearnenglish.com,  www.englishforkids.ru,  www.englishfirst.ru ),
• էլեկտրոնային փոստով անընդհատ կապ պահպանելու համար (երեխաները սովորում են օտար լեզվով նամակներ գրել միմյանց)
• Տարբեր դասագրքերին կից  CD-ներ և CD-ներով ուսումնական նյութեր դիտելու համար
• Ինքնաստուգումների կատարելու համար.
• Երաժշտական կենտրոն` երգեր և այլ ձայնագրություններ լսելու համար.
• DVD փլեյեր և հեռուստացույց` ֆիլմեր, մուլտֆիլմեր և դասընթացներ դիտելու համար (2. և 3. կարող են փոխարինվել համակարգչով).
• Էլեկտրոնային գրատախտակ, որը կատարում է վերոհիշյալ սարքերի գործողությունները, նաև տեսագրում և ձայնագրում է դասը.
• Թվային ֆոտոխցիկ: Երեխաները նկարահանում են, համակարգչով ձևավորում և խմբագրում են նկարները: Այդ նկարները կարող են օգտագործվել ուսումնական նյութեր պատրաստելիս: Այս նույն նպատակին կարող են ծառայել նաև բջջային հեռախոսները:
• Թվային տեսախցիկ ուսումնական ֆիլմեր նկարահանելուն և խմբագրելուն մասնակցելու համար
• Թվային դիկտոֆոն օտար լեզվով երգերի, ոտանավորների, երկխոսությունների ձայնագրման համար, որը կարող է կցվել ուսումնական նյութերին:
• Պարտադիր է համարվում ֆլեշի առկայությունը:

Կրթահամալիրի դասավանդողները արդեն մի քանի տարի է գործածում են վերոհիշյալ բոլոր ՏՀՏ միջոցները` դասեր վարելու և ուսումնական նյութերը ստեղծելու նպատակով: Վերջին տարում ստեղծվել է 1-6-րդ դասարանցիների համար նախատեսված ուսումնական փաթեթի առաջին  մասը, որը ներառում է 1-ին և 2-րդ դասարաններին անհրաժեշտ նյութեր: Նյութերը ընտրված են ըստ երեխաների տարիքային հետաքրքրություների և կարողությունների: Փաթեթը ստեղծելուց դասավանդողները գործածել են տարբեր ՏՀՏ միջոցներ. նյութը ստեղծված է Power Point ծրագրով, ձայնագրումները կատարվել են թվային դիկտոֆոնի և Sound forge և Edius ձայնագրման և խմբագրման համակարգչային ծրագրերով: Խտասկավառակների ազդօրինակները հրատարակվել են հեղինակային մանկավարժության հրատարակչության կողմից: Այժմ շարունակվում են փաթեթի երկրորդ հատվածի  աշխատանքները, որը ներառում է 3-րդ և 4-րդ դասարանների նյութերը: