"DPIR N:21"

Ընդունված է ասել, որ հանրակրթական դպրոցը նպատակ ունի զարգացնելու սովորողին՝ նրա մտավոր, ֆիզիկական կարողությունները, դաստիարակելու նրան: Կրթելով երեխային՝ պիտի օգնի նրան ներկայում կամ ապագայում որևէ բնագառում մասնագիտանալու գործում: Սակայն դպրոցում սովորաբար տալիս են միայն այն, ինչ ծրագրված է, և ծրագրված է ոչ թե սովորողի, այլ ուրիշների կողմից: Կրթությունը դառնում է սահմանափակված նաև այն իմաստով, որ երեխան չունի ընտրության հնարավորություն, այսինքն՝ բացի ուսուցչից և դասագրքից չեն գործածվում այլ աղբյուրներ, որոնցից օգտվելով՝ նա ինքը կարողանա նախ՝ հասկանալ իր հետաքրքրություններն ու պահանջները, հետո բավարարել դրանք: Իսկ այդ հետաքրքրությունները կարող են լինել դասերից դուրս` տարբեր թեմաների շուրջ: Հանրակրթական դպրոցի խնդիրը պետք է լինի ոչ միայն երեխային կրթելը, այլ նաև որպես անհատականություն նրա ձևավորվելը: Տասից տասներկու տարվա ընթացքում կուտակված գիտելիքների ավարտական ստուգման արդյունքում մարդուն տրվում է հասունության վկայական, սակայն սա դեռ չի հավաստում այն մասին, որ հանրակրթական դպրոցը իր գործունեությամբ պատրաստում է նրան կյանքի դժվարությունները դիմագրավելու, ինքնուրույն աշխատելու (սովորելու) և ապրելու: Սա արդյունք է այն մանկավարժության, որը իր գործունեությամբ սահմանափակում և կաղապարում է երեխային:

Ինքս էլ սովորել եմ մի դպրոցում, որը ուներ նույն խնդիրները: Աշակերտներին չէր տրվում ինքնուրույն աշխատելու, իրենց հետաքրքրող հարցերի մասին տեղեկություններ ձեռք բերելու հնարավորություններ:

Սովորելով «Մխիթար Սեբաստացի» կրթահամալիրի քոլեջում՝ հանդիպեցի հարցի այլ դրվածքի, ինձանից սկսեցին պահանջել նախաձեռնություն և ինքնուրույնություն: Բ-4թ. դպրոց-պարտեզի ղեկավար տիկին Մարիետի օգնությամբ, որը նաև իմ գրականության ուսուցչուհին է, կարողացա ուսումնական դասընթացներից դուրս ինձ տրվող լայն հնարավորություններն օգտագործելով՝ ինձ հետաքրքրող թեմաների մասին տեղեկություններ հավաքել: Ստեղծեցի ուսումնական նյութեր նախադպրոցականների համար: Այդ նյութերը փորձարկեցի նախակրթարանում, հետևություններ արեցի, վերամշակեցի: Կատարած հետազոտություններիս արդյունքում ձեռք բերեցի հմտություններ: Դրանք են.

Մասնագիտական ուսուցման ժամանակ ձեռք բերած գիտելիքները հետագայում որպես մանակավարժ կիրառելու հմտություն
Համակարգչային ծրագրերը ըստ նպատակի կիրառելու հմտություն
Հետազոտական աշխատանքներ կատարելու, այսինքն փաստեր հավաքելու, վերլուծելու, հետևություններ անելու հմտություն
Հետազոտական աշխատանքը գործնականում կիրառելու, փորձի արդյունքում վերամշակելու, այդ ընթացքում ձեռք բերած հմտությունները հետագայում որպես մանկավարժ կիրառելու հմտություն
Տեքստի հետ աշխատելու հմտություն:

Կարծում եմ, որ այս ամենը ինձ՝ որպես մանկավարժի, հետագայում շատ կօգնի:

Ս Կ Ի Զ Բ

Ա Ր Խ Ի Վ

Խ Ո Ր Ա Գ Ի Ր