ԴԱՍԱՐԱՆԱԿԱՆ ՀԵՂԻՆԱԿԱՅԻՆ ԱՌԱՋԱԴՐԱՆՔՆԵՐ

1. Թվարկել թուրք-հայկական սահմանի բացման 7 դրական և 17 բացասական (երկրորդ տարբերակ`10 դրական, 5 բացասական) հետևանքներ:
2. Ապացուցել, որ ՀՀ արտաքին քաղաքականությունը կաղում է երկու ոտքից (կարելի է ապացուցել նաև հակառակը):
3. Ինչամետ իշխանություններ են պետք Հայաստանին (պատասխանը հիմնավորել):
4. 2009-18=a, գտնել a-ն:
5. 21-22=c, գտնել c-ն:
6. Ի՞նչ քաղաքական և իրավական հետևանքներ կունենա «Ժառանգություն» խմբակցության պատգամավորների հրաժարումն իրենց մանդատներից:
7. Ի՞նչ է նշանակում անկախ պատգամավոր, և ովքեր են նրանք այս ԱԺ-ում:
8. Սահմանել «քվորում» հասկացությունը:
9. Եղել է արդյո՞ք այս տարի ԱԺ-ի արտահերթ նստաշրջան, եթե այո, ապա ի՞նչ օրակարգով:
10. Ե՞րբ է դադարեցվելու Մալաթիա-Սեբաստիա համայնքի թաղապետի լիազորությունները:
11. Համեմատեք քաղաքացուն և բնակչին:
12. Ինչո՞վ են տարբերվում պատգամավորության կամ նախագահության թեկնածուների իրավունքները մյուս քաղաքացիմերի իրավունքներից:
13. Ի՞նչ տեղի կունենա, եթե նախագահի բոլոր թեկնածուները կազմակերպված ձևով մահանան քվեարկության նախորդ օրը:
14. Ինչպիսի՞ն են ՀՀ հարաբերությունները հարևան պետությունների հետ:
15. Ուղղել տեքստի սխալները. «Երևանի ավագանու մայիսի 30-ին կայանալիք ընտրություններին մասնակցում են 7 կուսակցություն և 2 դաշինք: Ընտրվելու է 75 հոգուց բաղկացած ավագանի, որն էլ որակյալ մեծամասնությամբ քվեարկության հաջորդ օրն ընտրելու է քաղաքապետ»:
16. Ի՞նչ կանեի ՀՀ ազգային փոքրամասնությունների համար:
17. Ո՞ր պետություններում են հայերն ազգային փոքրամասնություն:
18.  Թվարկել հայկական պետությունները հնագույն ժամանակներից մինչև մեր օրերը:
19. Ապացուցել, որ ՀՀ-ն նախագահական հանրապետություն է:
20. Թվարկել հանրապետական և տեղական բյուջեների ծախսային ուղղությունները:
21. Քանի՞ կոլեգիալ մարմին կա գործադիր իշխանությունում և ոչ կոլեգիալ ձևով կառավարվող կառույցներն ունեն արդյո՞ք կոլեգիաներ:
22. Կարող է արդյո՞ք վարչապետը կատարել կամ առաջարկել կառավարության կառուցվածքի փոփոխություն: Եթե այո, ապա ո՞ր դեպքերում:
23. Արդյո՞ք կառավարության անդամ են պետական եկամուտների կոմիտեի և գիտության կոմիտեի ղեկավարները:
24. Սահմանադրական դատարանը եռաստիճան դատական համակարգի ո՞ր աստիճանն է:
25. Վաղը Երևանի քրեական դատարան ներկայացվող հայցն ինչպիսի՞ բովանդակային կառուցվածք պետք է ունենա (հարցը տրվել է քրեական դատարանի լիազորությունների դադարեցման նախորդ օրը):
26. Կարող է արդյո՞ք վճռաբեկ դատարանը մերժել բողոքարկման հայցը: Եթե այո, ապա ի՞նչ չափանիշներով:
27. Կարող է արդյո՞ք աշխատանքի պետական տեսչությունը դիմել դատարան 13 տարեկան Տիգրանի ոտնահարված իրավունքները վերականգնելու նպատակով  (պատասխանը հիմնավորել):
28. Իրավունք ունի արդյո՞ք դատավորը պահանջել, որ մեղադրյալը նստած մասնակցի դատական գործընթացին (պատասխանը հիմնավորել):
29. Թվարկել Բ-1-ի բուսական և կենդանական աշխարհը:
30. 1945-6=y, գտնել y-ը:
31. Կուսակցությունների քանակն արդյո՞ք բազմակուսակցական համակարգի առկայության երաշխիք են (պատասխանը հիմնավորել):

                  ԷԼԵԿՏՐՈՆԱՅԻՆ ԱՌԱՋԱԴՐԱՆՔՆԵՐԻ ԹԵՄԱՆԵՐ

1. Որևէ նախարարության գործունեության հիմնական ուղղությունների և դրանց արդյունքների վերլուծություն իրենց կայքերի տեղեկատվության ու անձնական փորձի հիման վրա
2. Կրթահամալիրի կայքը որպես ԶԼՄ
3. ՀՀ օրենքը «Երևան քաղաքում տեղական ինքնակառավարման մասին» (վերլուծություն տեղեկացման և դասավանդման նպատակով)
4. Արտասահմանյան ԶԼՄ-ները ՀՀ արտաքին քաղաքականության մասին
5. ՀՀ ԱԺ-ը կայքը որպես լրացուցիչ ուսումնական նյութ